"Ukrayna Belarus torpaqlarına girsə,ruslarla birlikdə döyüşəcəyik" - Lukaşenko

Belarus prezidenti Aleksandr Lukaşenko ölkəsinin yalnız Ukrayna Belarusa hücum edəcəyi təqdirdə müharibəyə girəcəyini deyib.

Sonxeber.az xəbər verir ki, Lukaşenko jurnalistlərə Belarusun Ukraynadakı müharibə ilə bağlı mövqeyini açıqlayıb.

"Ukraynadan bir əsgər mənim xalqımı öldürmək üçün Belarus torpaqlarına gəlsə, ruslarla birlikdə döyüşəcəyik. Əgər onlar Belarusa hücum etsələr, cavab çox sərt olacaq və müharibə tamam başqa xarakter alacaq" ,- deyə prezident bildirib.

Lukaşenko bu vəziyyətin təkcə Ukrayna üçün deyil, digər qonşu ölkələr üçün də keçərli olduğunu deyib.

"Biz müharibə istəmirik. Onlar Belarus ərazisinə oradan hücum etməsələr, biz heç bir halda qoşunlarımızı Ukraynaya göndərməyəcəyik" ,- deyə Lukaşenko əlavə edib.

Lukaşenko müharibənin bitməsi üçün hər kəsin Ukraynanı dəstəkləyəcəyini və bu dəstəyi ilk olaraq özünün verəcəyini qeyd edib.

Şəbnəm Lətifi

Telegramda izləyin