Rusiya Ermənistan və Azərbaycan xarici işlər nazirlərinin görüşünü təşkil etməyə hazırdır

Rusiya Ermənistan və Azərbaycan xarici işlər nazirləri arasında görüş təşkil etməyə hazır olduğunu bir daha bəyan edib.

Sonxeber.az xəbər verir ki, Rusiya Xarici İşlər Nazirliyinin sözçüsü Mariya Zaxarova mətbuat brifinqində bildirib.

Zaxarova əlavə edib ki, Rusiya Ermənistan və Azərbaycan arasında sülh müqaviləsinin imzalanması prosesini dəstəkləməkdə davam edir. Onun sözlərinə görə, bu kontekstdə Rusiyanın xüsusi nümayəndəsi İqor Xovayev bu yaxınlarda Yerevana və Bakıya səfər edib.

"Həm Ermənistan, həm də Azərbaycan tərəfləri ölkəmizin bu məsələdə vasitəçiliyində maraqlı olduqlarını təsdiqləyiblər", - deyə Zaxarova bildirib.

Mətbuat katibi əlavə edib ki, hazırda Rusiyanın xarici işlər naziri Sergey Lavrovun Azərbaycana səfəri planlaşdırılır.

Şəbnəm Lətifi

Telegramda izləyin