Zaxarova hər şeyi etiraf etdi - Putin də qarşısını ala bilmir

Prezident Vladimir Putin artıq Rusiyanın informasiya məkanına nəzarət edə bilmir.

Bu barədə ABŞ-ın Müharibə Araşdırmaları İnstitutunun (ISW) analitiklərinin son hesabatında deyilir.

Amerikalı analitiklər Rusiya Xarici İşlər Nazirliyinin mətbuat katibi Mariya Zaxarovanın son açıqlamasına diqqət çəkirlər:

"Zaxarova təsdiqlədi ki, Kreml daxilində mübarizə gedir, nəticədə Putin Rusiya informasiya məkanına mərkəzləşdirilmiş nəzarəti itirib və onu düzəldə bilmir. O, Kreml elitaları arasındakı mübarizə səbəbindən Rusiyanın informasiya məkanına mərkəzləşdirilmiş nəzarət üçün stalinist yanaşmadan istifadə edərək, Kremlin SSRİ İnformasiya Bürosunun müasir analoqunu yarada bilməyəcəyini söyləyib".

Amerikalı analitiklər hesab edirlər ki, Zaxarovanın açıqlaması ISW-nin bir neçə ehtimalını təsdiqləyib: Kremldə Putinin yaxın çevrəsinin əsas üzvləri arasında mübarizə gedir; zaman keçdikcə Putin ölkədəki informasiya məkanına nəzarətdən böyük ölçüdə əl çəkib və indi bu nəzarəti bərpa etmək üçün qəti tədbirlər görə bilmir./Teleqraf

Telegramda izləyin