Ermənistan Azərbaycan ordusunun mövqelərinə atəş açdığını təkzib edib

Ermənistan və tanınmayan Dağlıq Qarabağ Respublikasının müdafiə nazirlikləri Azərbaycan mövqelərinin atəşə tutulmasını inkar ediblər.

Sonxeber.az Armenpress-ə istinadən xəbər verir ki, Ermənistan və tanınmayan Dağlıq Qarabağ Respublikasının müdafiə nazirlikləri ittihamları rədd edərək bunu dezinformasiya adlandırıblar.

Ermənistan Müdafiə Nazirliyinin bəyanatında deyilir ki, "Azərbaycan Müdafiə Nazirliyinin yaydığı bəyanatda iddia edilir ki, martın 15-i saat 00:15-dən 02:30-dək Ermənistan Silahlı Qüvvələrinin bölmələri Azərbaycan Ordusunun mövqelərini atəşə tutublar. Bu, həqiqətə uyğun deyil",- deyə bəyanatda bildirilir.

Qeyd edək ki Azərbaycan Müdafiə Nazirliyi Ermənistan silahlı qüvvələrinin bölmələrinin Basarkeçər rayonunun Əzizli və Qaraiman istiqamətlərində yerləşən mövqelərindən Kəlbəcər rayonunun Yuxarı Ayrım və Daşkəsən rayonunun Astaf yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutduğunu açıqlayıb.
Bundan başqa, Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Azərbaycan Ordusunun Xocalı və Xocavənd rayonları istiqamətlərində yerləşən mövqeləri də fasilələrlə atəşə tutulub.

Telegramda izləyin