Azərbaycan Qarabağdakı erməni icmasının nümayəndələrinə Bakıda görüşməyi təklif edib

Azərbaycan Qarabağdakı erməni icmasının nümayəndələrinə regionda inteqrasiya və infrastruktur layihələrini müzakirə etmək üçün Bakıda görüşməyi təklif edib.

Sonxeber.az xəbər verir ki, erməni icmasının nümayəndələrinə aprelin əvvəli Bakıda görüş təklif olunub.

Bildirilib ki, görüşdə Azərbaycandakı erməni icmasının inteqrasiyası və Qarabağda həyata keçirilən infrastruktur layihələri müzakirə olunacaq.

Qeyd edək ki, Azərbaycan nümayəndələri martın 1-də rus sülhməramlılarının nəzarəti ilə Xocalıda yerləşən qərargahda erməni icmasının nümayəndələri ilə görüşüb.

Azərbaycan növbəti görüşün martın 13-də Bakıda keçirilməsini təklif etsə də, bu təklif qəbul edilməyib.

Şəbnəm Lətifi

Telegramda izləyin