Rusiyalı bloggeri öldürməkdə şübhəli bilinən qadın saxlanılıb

Rusiyalı hərbi bloger Vladlen Tatarskini öldürməkdə şübhəli bilinən qadın saxlanılıb.

Sonxeber.az xəbər verir ki, bu barədə Rusiya İstintaq Komitəsi bildirib.

Darya Trepova daha əvvəl Rusiyada axtarışa verilmişdi.

Əsl adı Maksim Fomin olan Tatarski bazar günü axşam Sankt-Peterburqun mərkəzindəki kafedə keçirilən tədbirdə çıxış edərkən bomba partlayıb, onun ölümü və 32 nəfərin yaralanması ilə nəticələnib.

Şahidlərin dediyinə görə, Trepova olduğu ehtimal edilən gənc qadın partlayışdan az əvvəl Tatarskiyə heykəlcik hədiyyə edib.

Rusiya Milli Antiterror Komitəsi partlayışı təşkil etməkdə Ukraynanı ittiham edib. Agentlik bildirib ki, Tatarskiyə qarşı terror aktı Rusiyada həbsdə olan müxalifət lideri Aleksey Navalnının yaratdığı antikorrupsiya fondu ilə əməkdaşlıq edən şəxslərin iştirakı ilə "Ukrayna xüsusi xidmət orqanları tərəfindən planlaşdırılıb.

Telegramda izləyin