"İran deputatları Azərbaycanın xarici münasibətlərinə qarışmaq əvəzinə yaxşı olar ki, gedib öz işləri məşğul olsunlar" - DEPUTAT

"İran parlamentinin Azərbaycana qarşı qəbul etdiyi bəyanat da fars-molla rejimin bizə qarşı növbəti təxribatdı".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, 44 günlük Vətən müharibəsində sonra İranın əsil siması ortaya çıxdı:

"İran parlamentində Azərbaycanın İsraildə səfirlik açması pislənilib. Parlamentin 210 üzvü bəyanatın leyhinə səs verib. Eyni zamanda, deputatlar İran Xarici İşlər Nazirliyini bu məsələ ilə bağlı lazımi diplomatik addımlar atmağa çağırıb. Bu bir başa Azərbaycanın xarici siyasətinə qarışmaqdır. Bu gün heç bir dövlət Azərbaycanın daxili və xaricinə qarışa bilməz. Bu gün Azərbaycanın nəyi, nə zaman edəcəyini yaxşı bilən dövlət başçısı var. Nə Ermənistan, nə də İran bu gün öz çirkin niyyətlərini reallaşdıra bilməyəcək. Çünki ölkəmiz 90-cı illərin əvvəllərində olduğu kimi gücsüz və sahibsiz deyil. Bu gün Azərbaycan cənab prezident kimi güclü lideri və Ali Baş Komandanı, Müzəffər Ordusu var".

Deputat vurğulayıb ki, Tehran İsraili "Qüdsün işğalçısı" adlandırır, Azərbaycanı "işğalçı rejim"lə əməkdaşlıqda qınayır:

"Bu gün Azərbaycanı "işğalçı rejim"lə əməkdaşlıqda günahlandıran İran Ermənistana hər bir sahədə dəstək olur. Hətta Birinci Qarabağ müharibəsində və 44 Vətən müharibəsində Ermənistana humanitar yardım adı ilə silah da göndərib. Bu gün insanlarımızı vəhşicəsinə öldürən, müxtəlif vaxtlarda xalqımıza qarşı soyqırım aktları törədən,məscidlərimizi dağıdan Ermənistanı dəstəkləyən fars-molla rejiminin bu bəyanatı bizdə "gülüş" doğurur. Hələ Azərbaycan-Ermənistan münaqişəsi başladığı gündən İran daim işğalçını dəstəkləyib. İranlı deputatlar yaxşı olar ki, bu məsləhətlərinə özləri əməl etsinlər. Müsəlman ölkə olduqları bu günmü yaddlarına düşüb? Xocalıda qoca, cavan, uşaq demədən insanlarımızı vəhşicəsinə qətlə yetiriləndə, 44 günlük Vətən müharibəsi dövründə döyüş meydanından qorxub qaçan ermənilərin Gəncədə və Bərdə müsəlmanlara qarşı terror aktları törədəndə niyə bir dəfə də Ermənistana qarşı bu cür bəyanatlar qəbul etmədi? Bu gün Türkiyə, Pakistan və Səudiyyə Ərəsbistanı da müsəlman ölkəsidir. Onlar Qarabağı işğal etdiyinə görə Ermənistanla diplomatik əlaqələri kəsib və ya ümumiyyətlə qurmayıb. İran müsəlman ölkəsi kimi niyə Ermənistanla münasibətlərini davam etdirir? İran deputatları Azərbaycanın daxili və xarici münasibətlərinə qarışmaq əvəzinə yaxşı olar ki, gedib öz işləri məşğul olsunlar".

Aysel Yusifqızı

Telegramda izləyin