MARAQLI FAKT: Vulkanik qaz Vezuvi qurbanlarının beynini şüşəyə çevirib - DƏHŞƏTLİ FOTOLAR

Qədim dövrlərdə Vezuvi yer üzündəki ən fəal və təhlükəli vulkanlardan biri olub. Artıq 150 ildən artıq müddətdir ki, arxeoloqlar eramızın 79-cu ilində Vezuvi vulkanının püskürdüyü Qədim Roma şəhəri Pompeydə qazıntılar aparırlar. Həmin ildə vulkan püskürməsi minlərlə insanın ölümünə və İtaliyada Pompey və Herkulanum şəhərlərinin məhvinə səbəb olub. İndiyə qədər quruyan lava altında ölənlərin cəsədləri aşkar edilir. Maraqlıdır ki, əsrlər öncə həlak olanların cəsədləri qeyri-adi prosesə məruz qalıblar.

BiG.AZ xarici mətbuata istinadən xəbər verir ki, İtaliya və ABŞ alimləri 1960-cı illərdə tapılan Vezuvi qurbanlarının skeletlərini araşdırıblar.

Məlum olub ki, vulkan püskürməsi nəticəsində həlak olan insanların qalıqları çox nazik vulkanik şüşə ilə örtülüb. Lakin prosesin özü bu yaxınlaradək sirr olaraq qalırdı.

Son tədqiqatlar göstərir ki, bu təbəqə vulkandan xaric olan qazların temperaturunun çox yüksək olması nəticəsində əmələ gəlib. 500 °C-dən çox isti olan qazlar qurbanların bədənlərini anında buxara çevirib, daha sonra isə qazlar soyuyaraq qalıqlar, üzərində şüşənin yaranmasına səbəb olub. Cəsədlərin beyinləri belə, şüşəyə çevrilib.

Bu heyrətamiz kəşf yalnız Vezuvinin püskürmə prosesini deyil, insan bədənnin ekstremal yüksək dərəcəyə reaksiyasını daha yaxşı anlamağa yardım edir.

Telegramda izləyin