"Beynəlxalq sənədlərdə əsirlərə işgəncə qadağan olunsa da ermənilər öz barbar xislətindən əl çəkmir" - DEPUTAT

"Rəsmi məlumatlara görə, erməni təcavüzü nəticəsində əsir, itkin düşmüş və girov götürülmüş şəxslərin sayı 4166 nəfərdir. Bu əsir və girovluqdan 1396 nəfər azad olunub. Onlardan 552 nəfər əsir və girovu ermənilər xüsusi amansızlıqla qətlə yetiriblər".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, ağlasığmaz işgəncələrə məruz qalsa da ordan sağ çıxan əsirlər tarixin canlı şahidləridir:

"Mən deyərdim ki, bu şəxslər erməni terrorunun ən dəhşətli üzünü bizdən daha yaxşı bilir. Ermənistan hakimiyyəti həmin dövürdə "Beynəlxalq Qırmızı Xaç Komitəsi əsirlərin siyahısını tərtib edərkən əsirlərin hamısın adlarını onlara vermirdilər. Ona görə də Azərbaycanda əsirlərin çoxunu itkin düşmüş güman edilirdi. Azərbaycan bir çox əsirin dəyişdirilməsinə və ya pul müqabilində geri qaytarılmasına nail olsada hətta ermənilər bu zaman belə geri qaytardıqları əsirlərin venalarına benzin və ya başqa tərkibli mayelər vurudular ki, ölsünlər. Təssüf ki, çox zamanda belə olurdu. Biz əsrilərlə amansız davranışı təkcə Birinci Qarabağ Müharibəsi zamanı deyil, elə İkinci Qarabağ Müharibəsi zamanı da gördük".

Deputat vurğulayıb ki, beynəlxalq sənədlərlə əsirlərə işgəncələr və qeyri insani rəftar qadağan olunsa da erməni hərbçiləri öz barbar xislətindən əl çəkmir:

"Bu gündə hava şərait ilə əlaqədar əsir düşən ordumuzun nümayəndəsinə mülki ermənilərin işgəncə verməsi bu faktı bir daha təsdiqlədi. Bəzi media və sosial şəbəkə səhifələrində yayılmış həmin videogörüntlərlə bağlı Baş Prokurorluğun İstintaq idarəsində Cinayət Məcəlləsinin 115.2-ci maddəsi ilə cinayət işi başlanıb.Həmçinin Azərbaycan vətəndaşlarına qarşı qanunsuz əməllərə yol verən şəxslərin milli və beynəlxalq məhkəmə məsuliyyətinə cəlb edilməsi məqsədilə xarici ölkələrin müvafiq orqanlarına müraciətlərin göndərilməsi və həmin şəxslərin cəzalandırılması təmin olunacaq".

Aysel Yusifqızı

Telegramda izləyin