"Azərbaycan əsgəri 44 günlük savaşda özünün yenilməz simasını və cizgisini əbədi olaraq tarixə həkk edib"- DEPUTAT

"Azərbaycan əsgərinin işgəncə və insan ləyaqətini alçaldan qeyri-insani davranışlara məruz qalması barədə görüntülər Ermənistan mediası və sosial media seqmentində təsadüfən yayılmayıb. Birincisi, Ermənistan yaxşı başa düşür ki, beynəlxalq i nsan haqları təsisatları Ermənistanın istənilən cinayətinə göz yummağa dünəndən hazırdır və ona görə də onlar çox rahatlıqla belə videoları yayırlar. İkincisi, həmin videoların yayılmasında məqsəd qalib Azərbaycan Ordusu və Azərbaycan cəmiyyətində ruh düşkünlüyü yaratmaq, qarmaqarışıqlığa və təxribatlara yol açmaq, həmçinin şərti sərhəddə dayanmış Azərbaycan hərbçilərini hər hansı səhvlərə təhrik etməkdir".

Bu sözləri Sonxeber.az-a Milli Məclisin deputatı Bəhruz Məhərrəmov deyib.

O bildirib ki, Azərbaycan cəmiyyəti ermənilərin bu tələsinə, bu hiyləgər oyununa alət olmamalı, yalnız dövlət orqanlarının yaydığı məlumatlara, rəsmi strukturların yaydığı foto və görüntülərə istinad etməlidir.

"Bununla biz informasiya müharibəsində bir daha dövlətimizin yanında olduğumuzu əməli olaraq sübut etmiş olacağıq. Eyni zamanda hər kəs ona da əmin olsun ki, erməni tərəfi bu vəhşilliyinə görə beynəlxalq hüquq çərçivəsində, anladıqları dildə misli ilə cavabını alacaq.
Bu kimi tək-tək vəhşilik aktları qalib Azərbaycan əsgərinin imicini təsir edə bilməz, unutmayaq ki, Azərbaycan əsgəri 44 günlük savaşda özünün yenilməz simasını və cizgisini əbədi olaraq tarixə həkk edib".

Telegramda izləyin