"Laçın-Xankəndi yolunda ermənilər quş belə uçurda bilməyəcəklər" - Deputatla MÜSAHİBƏ

Xəbər verdiyimiz kimi, Dövlət Sərhəd Xidmətinin (DSX) bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.

Sonxeber.az xəbər verir ki, 2020-ci il 10 noyabr tarixli üçtərəfli Bəyanata zidd olaraq Ermənistandan Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınmasının qarşısının alınması məqsədilə və Ermənistan tərəfindən aprelin 22-də birtərəfli qaydada Azərbaycan ilə sərhəddə Laçın-Xankəndi yolunun girişində nəzarət buraxılış məntəqəsinin qurulmasına adekvat olaraq aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.

Mövzu ilə bağlı olaraq Sonxeber.az-a Milli Məclisin deputatı Ceyhun Məmmədov fikirlərini bölüşüb.

O bildirib ki, bu məsələ uzun müddətdir Azərbaycan cəmiyyətində geniş müzakirə olunurdu.

"Cənab Prezident bununla bağlı bir neçə dəfə Ermənistana xəbərdarlıq eləmişdi. Söhbət ondan gedir ki, 2020-ci ildəki qələbədən sonrakı dövrdə də biz ermənilərin bu yolla silah daşıdığının şahidi idik. Dəfələrlə bizim ərazimizdə mina daşınaraq basdırıldığını, bizim çoxsaylı insanın isə minaya düşməsini yaxşı xatırlayırıq.Həmin müddətdə ümumilikdə 300 nəfərə yaxın şəxsin minaya düşüb. Bu da kiçik rəqəm deyil. Həmin minaların 2020-ci ildən sonra istehsal olunan minalardır".

Daha ətraflı olaraq deputatla olan müsahibəni təqdim edirik:

AYSEL ƏKBƏR

Telegramda izləyin