"Müəyyən sahələrin idarə olunmasında dövlətin yükü kifayət qədər çoxdur" - İqtisadçı-ekspert

İstiqamət: azad sahibkarlığın və liberal iqtisadiyyatın təşviqi
"Müəyyən sahələrin idarə olunmasında dövlətin yükü kifayət qədər çoxdur. Hesab edirəm ki, bu yükün bir qədər azaldılması həm dövləti yükdən azaldar, həm sahibkarlığın inkişafına ciddi dəstək olar".

Bu sözləri iqtisadçı-ekspert Eldəniz Əmirov Sonxeber.az-a deyib.

O qeyd edib ki, ölkədə azad sahibkarlıq 20 il əvvəl ilə müqayisədə kifayət qədər inkişaf edib, amma yenə də müəyyən işlərin görülməsinə ehtiyac var:

"Ölkədə azad sahibkarlıq 20 il əvvəl ilə müqayisədə kifayət qədər inkişaf edib. Həm sahibkarların səviyyəsi, həm azad sahibkarlığın, yəni özəl sektorun ÜDM-də payı, məşğulluqda payı, ümumiyyətlə makroiqtisadi göstəricilərin formalaşmasında azad sahibkarlığın göstəriciləri ildən-ilə artır. Amma bu artım qənaətbəxşdirmi? Mən düşünürəm ki, xeyr. Yenə də müəyyən işlərin görülməsinə ehtiyac var. Müxtəlif dövlət qurumları, ələxsus da Kiçik və Orta Biznesin İnkişafı Agentliyi sahibkarlığa dəstəyin göstərilməsi istiqamətrində ən əsas qurumlardan biri olaraq çox ciddi işlər görür. Adından da göründüyü kimi kiçik və orta sahibkarlığa dəstək verilməsi, biznesinin inkişaf etdirilməsi, yeni biznesin yaradılması və s. istiqamətdədir".

İqtisadi-ekspert bildirib ki, dövlətin yükünün azaldılmasınsa ehtiyac var.
"Problemlərə gəldikdə isə düşünürəm ki, dövlət müəyyən sahələrdə öz üzərinə çox yük götürür. Müəyyən sahələrin idarə olunmasında dövlətin yükü kifayət qədər çoxdur. Hesab edirəm ki, bu yükün bir qədər azaldılması həm dövləti yükdən azaldar, həm sahibkarlığın inkişafına ciddi dəstək olar. Əlavə olaraq da qanunvericilik aktlarında,ələxsus da rəqabət məcəlləsinin qəbul edilməsinə ehtiyac var" ,- deyə o əlavə edib.

Material Azərbaycan Respublikasının

Şəbnəm Lətifi

Telegramda izləyin