Banqladeş və Myanmada Mocha qasırğası səbəbindən yüz minlərlə insan təxliyə ediləcək

Banqladeş və Myanma, Benqal körfəzində Mocha qasırğasının qüvvəyə minməsi ilə əlaqədar sahil bölgələrindəki yüz minlərlə insanın təxliyə ediləcəyini açıqlayıb.

Sonxeber.az xəbər verir ki, Hindistan Meteorologiya Departamenti (IMD) Mocha qasırğasının bazar günü Banqladeşin cənubundakı Koks-Bazar sahil şəhəri və Myanmanın Kyaukpyu bölgəsinə saatda ən azı 160 kilometr sürətlə vuracağını açıqlayıb.

IMD balıqçılar və digər gəmiləri Benqal körfəzi ilə Andaman dənizi arasında səyahət etməmələri barədə xəbərdar edərək, bölgədə güclü yağışların və qasırğanın müşahidə ediləcəyini deyib.

İki ölkənin səlahiyyətliləri sahilyanı bölgələrdə yüz minlərlə vətəndaşını təxliyə etməyə hazırlaşarkən, xalqı sahilyanı ərazilərdən uzaq durmağa çağırıb.

Banqladeşdə sabah evakuasiya ediləcək insanların sayının 500 minə yaxınlaşacağı təxmin edilərkən, bölgədə 576 müvəqqəti sığınacaq yerinin xidmət göstərəcəyi bildirilir.

Səlahiyyətlilər, bölgələrdə təcili yardım qruplarının və təcili ləvazimatların hazır olduğu və bir çox könüllü yardım təşkilatının işə dəstək verəcəyi barədə məlumat paylaşıb.

Myanma Meteorologiya və Hidrologiya Departamentinin direktoru Hla Tun, sahilyanı ərazilərdə baş verə biləcək daşqınlar və torpaq sürüşmələri ilə bağlı xəbərdarlıq edildiyini bildirib.

Dövlətin nəzarətində olan "Global New Light of Myanmar" qəzetindəki xəbərdə qasırğadan təsirlənəcəyi gözlənilən Arakan əyalətinin qərb sahilində yaşayan minlərlə insanın təxliyyə olunmağa başladığı qeyd edilib.

Hindistan Meteorologiya Xidmətindən Rajendra Kumar Jeamani, bu ilin Hind okeanının şimalında ilk qasırğa olacağına diqqət çəkərək, "Qasırğa şiddətlidir və ehtimal ki, Myanma və Banqladeşdə milyonlarla insana təsir edəcək". qiymətləndirməsini etdi.

İlin bu vaxtında Benqal körfəzində tropik fırtınalar tez-tez baş versə də, 1999-cu ildə Odişada baş verən və sürəti saatda 260 kilometrə çatan qasırğa təxminən 10 min insanın ölümünə səbəb olub.

Telegramda izləyin