"Azərbaycandada tam azad sahibkarlıq mühitindən danışmaq erkəndir"- Rəşad Həsənov

İstiqamət: azad sahibkarlığın və liberal iqtisadiyyatın təşviqi
"Əvvəlki illərlə müqayisədə, 2016-cı ilin əvvəllərinə qədəri bu günki dövrü müqayisə etsək, xeyli irəliləyiş görə bilərik.Amma Azərbaycandada tam azad sahibkarlıq mühitindən danışmaq erkəndir".

Bu sözləri iqtisadçı-ekspert Rəşad Həsənov Sonxeber.az-a bildirib.

O qeyd edib ki, Azərbaycanın xüsusi iqtisadi bloklarda təmsili, həmçinin Avropa birliyi ile razılaşmalar əldə edilməsi, gömrük bloklarında iştirak və s. azad sahibkarlıq mühitini dərinləşdirə bilər:

"Ümumiyyətlə azad sahibkarlıq konnektordan qaynaqlanan situasiyadır və kifayət qədər mürəkkəb şərtləri özündə birləşdirir. Burda eyni zamanda həm siyasi, həm iqtisadi, həm sosial mühit və hüquqi çərçivədə tənzimləmələr sahibkarlıq fəaliyyəti üçün ən əlverişli formada təmin edildiyi halda azad sahibkarlıqdan danışmaq olar. Əvvəlki illərlə müqayisədə, 2016-cı ilin əvvəllərinə qədəri bu günki dövrü müqayisə etsək, xeyli irəliləyiş görə bilərik. Həm lisenziyanın azaldılması, həm müəyyən qədər inhisarçılıqla mübarizə və ya bu istiqamətdə ortaya qoyulan təşəbbüslər, idxal prosesinin müəyyən mənada şəffaflaşdırılması kimi təşəbbüslər, dövlət vergi xidmətinin fəaliyyətində müşahidə olunan yeniliklər, prosesin şəffalaşdırıması cəhdləri azad sahibkarliq üçün imkanları qismən də olsa genişləndirib. Amma Azərbaycandada tam azad sahibkarlıq mühitindən danışmaq erkəndir. Bunun üçün bütün institutlar formalaşmalıdır, seçki institunundan tutmuş idarəetmə institutunun gücləndirilməsinə qədər, eyni zamanda inhisarla mübarizə və rəqabətli mühitin yaradılması istiqamətində hüquqi bazanın yaradılması, bu istiqamətdə qanunvericiliyə uyğun tənzimlənməli himayədarlıq institutunun tamamilə sarsılması öz həllini tapmalıdır. Bununla yanaşı maliyyə əlçatanlığı təşviq mexanizminin hər kəs üçün əlçatanlığının təmin edilməsi və məhdudiyyətlərin, diskriminativ halların aradan qaldırılması, kreditlərə dövlət zəmanətinin verilməsi olmalıdır. Dövlət zəmanəti verilən kreditlərə minimum hədd müəyyənləşdirilir ki, bu mikrosahibkarlıq xüsusiyyyətlərini çətinləşdirir. Rəqabət məcəlləsinin olmaması da müəyyən mənada problemlər yaradır. Bunun nəticəsidir ki, bazar iqtisadiyyatının olduğu ölkədə tez-tez "süni qiymət artımı" ifadəsini rəsmilər tərəfindən eşitmiş oluruq. Bunlar nöqsanların nəticəsidir. Əlbəttə ki, bu istiqamətdə sahibkarlıq institutunun özünün də inkişaf etməsi vacib məsələdir. Korperativ idarəetmə institutunun inkişaf etməsi və müasir təcrübə əsasında formalarının yaradılması vacibdir. Azərbaycan iqtisadiyyatının qlobal iqtisadiyyat ilə inteqrasiyasının nəticəsində surətləndirlə bilər. Azərbaycanın xüsusi iqtisadi bloklarda təmsili, həmçinin Avropa birliyi ile razılaşmalar əldə edilməsi, gömrük bloklarında iştirak və s. azad sahibkarlıq mühitini dərinləşdirə bilər. Dövlət satınalmalarında rezidentler üçün məhdudlaşdırıcı məqamlar var. Bunların aradan qalxması reqabət mühitini artırmaqla yerli biznes modellərinin ortaya çıxmasını dəstəkləyə bilər".
Material Azərbaycan Respublikasının

Şəbnəm Lətifi

Telegramda izləyin