"Gürcüstan Ermənistan-Azərbaycan sülh danışıqlarını dəstəkləyir" – Baş nazir Qaribaşvili

Gürcüstanın Baş naziri İrakli Qaribaşvili bildirib ki, Gürcüstan Ermənistan və Azərbaycan arasında sülh danışıqlarını dəstəkləyir.

Sonxeber.az xəbər verir ki, Qaribaşvili sülh danışıqlarının bütün Zaqafqaziya regionunun maraqlarına cavab verdiyini deyib.

"İnanıram ki, Gürcüstan regionda sabitliyin və sülhün möhkəmləndirilməsində neytral, qərəzsiz rol oynayıb. Bizim həm Azərbaycanla, həm də Ermənistanla əla münasibətlərimiz var. Gürcüstan Qarabağ müharibəsindən sonra 2021-ci ildə çox mühüm vasitəçilik rolunu oynayıb. Biz Azərbaycan və Ermənistan arasında davam edən sülh danışıqlarını dəstəkləyirik və bunun Gürcüstanın, Azərbaycanın, Ermənistanın və bütün regionun maraqlarına uyğun olduğuna inanırıq", - deyə Gürcüstanın Baş naziri 2-ci Avropa Siyasi Şurasının mətbuat konfransında deyib.

Şəbnəm Lətifi

Telegramda izləyin