Politico: "AB böyük itkilərlə nəticələnə biləcək hibrid hücuma hazırlaşır"

Politico-nun Brüsseldən hazırladığı analitik yazıda bildirilir ki, Avropa Birliyinin 27 ölkəsinin diplomatları son həftələrdə çoxsaylı insan itkisinə səbəb ola biləcək böyük hibrid hücum ssenarisinə hazırlıq məsələsini müzakirə edirlər.

Sonxeber.az Politico-ya istinadən xəbər verir ki, söhbət yalnız kiberhücumdan deyil, müxtəlif təhlükələrin eyni vaxtda baş verə biləcəyi mürəkkəb böhran ssenarisindən gedir. Məqaləyə görə, AB daxilində belə bir hadisə baş verərsə, təcili böhran qruplarının yaradılması, maliyyə mexanizmlərinin işə salınması və vahid kommunikasiya strategiyasının hazırlanması müzakirə olunur. Bununla belə, Brüsseldə əsas mübahisələrdən biri AB-nin təhlükəsizlik məsələlərində nə qədər rol almalı olmasıdır.

Bəzi paytaxtlar AB-nin bu istiqamətdə fəaliyyətinin NATO-nun mövcud mexanizmləri ilə üst-üstə düşə biləcəyindən narahatdır. Məqalədə vurğulanır ki, AB diplomatları arasında əsas narahatlıq mümkün hücumdan sonra hadisəyə necə və nə qədər sürətlə cavab veriləcəyi ilə bağlıdır. NATO rəsmiləri də Avropanın belə bir ssenariyə əvvəlcədən hazır olmasının vacibliyini bildirirlər.

Müəllif: İlkin Məmmədkərimov

Telegramda izləyin