Pensiyalar nə vaxt artacaq? – Ekspertlərdən FƏRQLİ RƏYLƏR
Əmək və əhalinin sosial müdafiəsi nazirinin müavini Anar Kərimov bu gün mətbuata açıqlamasında, sosial islahatların növbəti mərhələsində yaşa görə pensiyanın orta aylıq məbləğini 500 manata və ondan da yüksəyə qaldırıla biləcəkləri ilə bağlı məlumat verib.
Nazir müavini, hazırda yaşa görə pensiyanın orta aylıq məbləği 465 manat olduğunu da qeyd edib.
"35 manatlıq artım insanlara elə də böyük təsir etməyəcək"
Bununla bağlı fikirlərini Bizim.Media-ya açıqlayan "İqtisadi və Sosial Araşdırmalar Yardım" İB-nin sədri, iqtisadçı ekspert Eyyub Kərimov, hazırda ölkədə 1 milyon 114.2 min pensiyaçının olduğunu və onların 62,6 faizinin yaşa görə pensiya aldığını bildirib:
"Bu da 700 min insanı əhatə edir. Bu ilin 3 ayında büdcədə 2.5 milyard manat əlavə vəsait yaranıb və cari ilin sonuna qədər daha da arta bilər. Bu baxımdan da, əlavə vəsaitin sosial xərclərə yönəldilməsi mümkündür".
Onun sözlərinə görə, cari ildə DSMF-nin büdcəsində qalan əlavə vəsaitin də müxtəlif investisiya layihələrinə yönəldilməsi və gəlir əldə edilməsi nəzərdə tutulur:
"Bu da Fondun büdcəsinə əlavə vəsaitlərin cəlb edilməsinə səbəb olacaq və bununla da pensiyaların artımı üçün iqtisadi zəmin yaranır. Əgər bu zəmin əldə edilərsə,700 min insanın pensiyasının artmasına təsir edəcək. Lakin hazırda davam edən bahalaşma və inflyasiya səbəbindən 35 manatlıq artım insanların rifahına elə də böyük təsir etməyəcək. Fikrimcə, belə bir artım ilin sonuna qədər həyata keçirilə bilər".
"Pensiyanın 500 manatdan artıq olacağını gözləmək olar"
Digər iqtisadçı ekspert Xalid Kərimli isə Bizim.Media-ya açıqlamasında, məsələyə fərqli istiqamətdən yanaşıb.
Bu məsələdə nüansların olduğunu söyləyən ekspert bildirib ki, pensiya qanunvericiliyinə görə, hər il yanvarın 1-də orta aylıq əmək haqqının orta faizinə baxılır:
"Məsələn, ölkədə muzdla işləyənlərin sayına, onların orta aylıq əmək haqlarına və ildə neçə dəfə artması nəzərdən keçirilir. Bu rəqəmlər götürülür və pensiyanın indeksiyasiyası həyata keçirilir.
Aprel ayının statistikasına nəzər salsaq, bu ilin 4 ayı ərzində ölkədə muzdla işləyənlərin orta aylıq əmək haqları 11,4 faiz artıb. Əgər 445 manatın üzərinə 11,4 faizi gəlsək, təxminən 520 manata yaxın pensiya məbləği əldə ediləcək. Pensiya artımı bir də 2024-cü iln yanvarın 1-də baş tutacaq. Buna görə də orta aylıq əmək haqqının cari ilin sonun qədər 10-15 manat arasında artacağını gözləyirik.
Hətta buna əsasən, pensiya qanunvericiliyində nəzərdə tutulmuş indeksasiya əsasında pensiya məbləğinin ortalama 500 manatdan artıq olacağını gözləmək olar".
Bizim.media
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri