Dollar o vaxt çökəcək ki... - Bədbin proqnoz

Ümumiyyətlə, qəbul edilir ki, dolların çökməsi bu pul vahidinin dəyərinin əhəmiyyətli hissəsini itirəcəyi bir vəziyyət olacaq.

Bunu məşhur iqtisadçı Mixail Xazin bildirib.

Ekspert izah edib ki, dollar 10-20% ucuzlaşmaqla deyil, onun əsas rəqibləri olan digər valyutaların, məsələn, avronun ona nisbətən daha bahalı olacağı təqdirdə çökə bilər.

"2000-ci illərin ortalarında dünya valyuta bazarında da analoji vəziyyət yaranmışdı, o zaman avro ilk dəfə 0,8 dollar qiymətləndirilirdi, sonra isə bu nisbət 1,37-yə dəyişdi. Əslində, bu dəyişiklik Amerika pul vahidinin təxminən 30% ucuzlaşmasına səbəb olub", - o deyib.

İqtisadçı hesab edir ki, gələcəkdə dolların məhz bu cür çökməsi baş verə bilər: "Birləşmiş Ştatlarda böyük bir sosial və ya siyasi böhran başlayarsa, digər valyutalar həqiqətən də dövlət valyutası fonunda daha sürətli yüksəlməyə başlaya bilər".

Publika.az

Telegramda izləyin