İllər sonra "Məhəllə 2 Moskvada" filmindəki "Lenin"in kimliyini açıqladı

İnstaqramdan aktiv istifadə edən Əməkdar artist Rafael İsgəndərov bu dəfə də maraqlı paylaşımı ilə diqqət çəkib.

BAKU.WS xəbər verir ki, aktyor illər əvvəl Rusiyanın paytaxtında lentə alınan "Məhəllə 2 Moskvada" filminin çəkildiyi meydanda olub.

İsgəndərov komediya janrlı filmlə bağlı bəzi maraqlı məqamları açıqlayıb:

"2005-ci ildə "Məhəllə 2 Moskvada" filminin bir epizodu da bax bu görüdüyünüz meydanda çəkilib. Buradan adama o qədər xoş xatirələr qalıb ki...

"Bəs mənə niyə demirsiniz ki, Lenin ölüb" məşhur ifadəsinin çəkildiyi mavzoley... Bir çox tamaşaçılar elə bilir ki, biz o səhnəni içəridə çəkmişik. Amma elə deyil. O səhnə çöldə çəkilib".
Əməkdar artist ekran işində "Lenin" obrazını canlandıran şəxsin aktyor olmadığını, onun M.Ə.Mirqasımov adına Respublika Klinik Xəstəxanasında liftdə çalışan şəxs olduğunu açıqlayıb.

Xatırladaq ki, "Məhəllə 2 Moskvada" 2004-cü ildə Sülü Çöl-Qalalı tərəfindən çəkilən komediya və macəra filmidir. Ekran işi dahi sənətkar, səhnəmizin korifeyi, Xalq artisti Nəsibə xanım Zeynalovanın əziz xatirəsinə həsr olunub.

Filmdə "Xaç atası 3", "Anakonda" filmlərindən, "Deep Purple", "Venus" qruplarının, Lou Beqa, R.Kellynin və Roy Orbisonun repertuarlarından istifadə olunub.

Telegramda izləyin