Radikal yəhudilər fələstinlilərə hücum edib

Fələstinin işğal altındakı İordan çayının qərb sahilindəki Nablusun Burqa kəndində İsrail əsgərləri tərəfindən həyata keçirilən hücumda açılan atəş nəticəsində 4 fələstinli qəlpələrlə yaralanıb.

Sonxeber.az xəbər verir ki, Fələstin Qızıl Aypara Cəmiyyəti mətbuata açıqlamasında İsrail əsgərlərinin istifadə etdiyi gözyaşardıcı qazdan 4 yaralıdan başqa 55 fələstinlinin də təsirləndiyini qeyd edib.

İordan çayının qərb sahilində qeyri-qanuni məskunlaşmalardan məsul Fələstin hökumətinin rəsmisi Qassan Daglas mətbuata verdiyi açıqlamada, bir qrup yəhudi məskunlaşmanın İsrail ordusunun himayəsində olan Homeş kompleksindən ayrılaraq Burqa kəndində fələstinlilərin evlərinə hücum etdiyini bildirib.

Burka kəndi ətrafından 50-yə yaxın yəhudi məskunlaşmanın kənddəki evlərə daş atdığını bildirən Dağlas, daş hücumu nəticəsində bir çox avtomobilin şüşələrinin qırıldığını, fələstinlilərin müqavimət göstərməyə çalışarkən yaralandığını deyib.

Fələstinin rəsmi agentliyi WAFA, cənubdakı Musafir Yata qəsəbəsində yəhudi köçkünlərin qoyunlarını otaran bir ailəyə hücumu nəticəsində 6 yaşlı fələstinli uşağın yaralandığını və bədənində qançırlar olduğunu bildirib.

İsrailin "Salam əl-Ən Hərəkatı" qeyri-hökumət təşkilatının saytında verilən məlumata görə, İordan çayının qərb sahilində qurulan yəhudi qəsəbələrində 465 mindən çox insan yaşayır.

Telegramda izləyin