"Ordunun daxilində Paşinyana tabe olmayan qüvvələr bölgədə sabitliyin əldə olunmamasında maraqlıdırlar" - DEPUTAT

"Ermənilərin sülh danışıqlarının getdiyi zaman sərhəddə təxribatlar törətməsi yeni bir şey deyil".

Bunu Sonxrber.az-a danışan deputat Nəsib Məhəməliyev bildirib.

Deputat qeyd edib ki, əvvəllər də, tərəflər arasında müəyyən razılaşmalar, yaxınlaşmalar hiss olunduqca, müxtəlif təxribatlar baş verirdi:

"Bunun bir neçə izahı var. Əsas məsələ odur ku, Ermənistan siyasi hakimiyyəti yekdil deyil. Bir çox xarici təsirlərdən asılıdır və müstəqil siyasət aparmır. Digər tərəfdən erməni cəmiyyətində, əvvəlki iqtidara bağlı, kifayət qədər revanşist, millətçi qruplar mövcuddur. Onlar hakimiyyətə ciddi təsir göstərirlər."

Deputat vurğulayıb ki, ordunun daxilində Paşinyana tabe olmayan və Qarabağdakı separatçılarla əlbir olan qüvvələr də bölgədə sabitliyin əldə olunmamasında maraqlıdırlar:

"Danışıqlar çətin gedir. Region müxtəlif geosiyasi güclərin maraq dairəsindədir. Bu baxımdan gələcəkdə də təxribatlar istisna deyil".

Aysel Yusifqızı

Telegramda izləyin