Ermənistan xarici işlər naziri Azərbaycanla delimitasiya prosesində mümkün olan maksimum dəqiqliyə çağırır

Ermənistanın xarici işlər naziri Ararat Mirzoyan ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Derek Hoqanla telefonla danışıb.

Sonxeber.az xəbər verir ki, Mirzoyan və Hoqan regional təhlükəsizlik və sabitlik məsələlərini müzakirə ediblər.

Bir neçə gündən sonra Vaşinqtonda planlaşdırılan müzakirələr ərəfəsində Ermənistanla Azərbaycan arasında münasibətlərin normallaşması prosesinin əsas məsələlərinə, o cümlədən sərhədlərin delimitasiyası və təhlükəsizliyinə, xalqların hüquq və təhlükəsizlik məsələlərinin düzgün həllinə toxunulub.

Mirzoyan delimitasiya prosesində mümkün olan maksimum dəqiqliyin, xüsusilə 1975-ci ilin xəritəsi ilə bağlı öhdəliyin təmin edilməsinin vacibliyini vurğulayıb.

Şəbnəm Lətifi

Telegramda izləyin