Ermənistan parlamentinin sədri Alen Simonyan Böyük Britaniya İcmalar Palatasının sədri ilə görüşüb

Ermənistan parlamentinin sədri Alen Simonyan Böyük Britaniyaya səfəri çərçivəsində İcmalar Palatasının sədri Lindsi Hoyl ilə görüşüb.

Sonxeber.az xəbər verir ki, bu barədə erməni mətbuatı məlumat yayıb.

Spiker Simonyan dəvətə və səmimi qəbula görə təşəkkür edib, Ermənistanın Böyük Britaniya ilə əlaqələrini davamlı əsaslara çatdırmağa və bu ölkə ilə çoxtərəfli münasibətləri inkişaf etdirməyə can atdığını və Böyük Britaniyadan da bunu gözlədiyini qeyd edib.
Bildirilib ki, üç onillik ərzində Ermənistan və Böyük Britaniya ümumi dəyərlərə və prinsiplərə əsaslanan ikitərəfli münasibətlərin perspektivli gündəliyini hazırlayıb. Tərəflər demokratik təsisatların gücləndirilməsi ilə bağlı məsələləri müzakirə ediblər.

Spiker Simonyan Ermənistan-Böyük Britaniya Hərtərəfli və Təkmilləşdirilmiş Sazişin tezliklə yekunlaşacağına və onun ən qısa zamanda imzalanacağına əminliyini ifadə edib.

"Ermənistan gənc parlamentli respublika kimi parlamentlərarası səmərəli əməkdaşlığa və parlamentarilər arasında tərəfdaşlığa böyük önəm verir. Son iki ildə parlamentlərimizin dostluq qruplarının qarşılıqlı səfərlərini və fəal tərəfdaşlığını qeyd etməkdən məmnunam", - deyə Simonyan bildirib və britaniyalı həmkarını Ermənistana səfərə dəvət edib.

Şəbnəm Lətifi

Telegramda izləyin