QADINLARIN ƏN ETİBARLI MƏSLƏHƏTÇİSİ GİNEKOLOQ LƏMAN ƏLİYEVA

Ginekoloji xəstəliklər günümüzün problemlərindən biridir, bu problemin başlıca səbəbi isə qadınların ginekoloji yoxlanışları ləngitmələri, bir çox qadının utanaraq ginekoloq qəbuluna getməməsidir. Əksər xanımlar üçün ginekoloq həssas suallarla, intim problemlərlə bağlı müraciət olunan həkimdir. Bu səbəblə bir çox xanım artıq həkimə getmədən həyəcanlanır, onda utancaqlıq və stress yaranır. Suallarının bir çoxunu verə bilmir, verilən sualların bəzilərinin cavabını verməyə çəkinir. Həkimlərin müalicəsinin təsirli ola bilməsi üçün qadınlar həkimə etibar etməli, utanmadan müayinənin gedişi zamanı sualları cavablandırmalıdır. Həkimə etibar etmək müalicənin ilk mərhələsidir. Qadın xəstəliklərinin müalicəsi və qarşısının alınması üçün peşəkar həkim vacibdir. Bir çox insan doğru həkimi dəfələrlə edilmiş yanlış seçimlərdən sonra tapır. Biz isə sizin üçün araşdıraraq peşəkar, bacarıqlı həkim Ləman xanımı sizə təqdim etmək istəyirik. Cərrah mama-ginekoloq Ləman İsmayıl qızı Əliyeva istər savadı, istərsə də peşəsinə olan dərin məhəbətti ilə bu sahədə sayılıb-seçilən həkimlərdəndir. 1984-cü ildə Ağdamda doğulmuş Ləman xanım Azərbaycan Tibb Universitetinin müalicə-profilaktika fakultəsində təhsil almışdır. Universiteti fərqlənmə ilə bitirmiş, 1 il internatura, 2 il də ordinatura keçmişdir. Həkimliklə yanaşı Ləman xanım həm də həkimlik qədər müqəddəs olan müəllimlik peşəsi ilə də məşğul olur. O, Azərbaycan Tibb Universitetinin 1-ci mamalıq-ginekologiya kafedrasında 4-5-6-cı kurs tələbələrinə ingilis dilində ginekologiya fənnini tədris edir. Tədris-cərrahiyyə klinikasında fəaliyyət göstərdiyi üçün Ləman xanımın dərslərinin bir çoxu əyanı şəkildə xəstələr üzərində izahlı şəkildə keçirilir. Ləman xanım həm də tibb üzrə fəlsəfə Doktorudur. Ləman xanım ginekoloji xəstəlikləri və sonsuzluğu müalicə edir, riskli hamiləlikləri təqib edir, təbii doğuş və keysəriyyə əməliyyatı, müxtəlif ginekoloji əməliyyatlar icra edir. Ləman xanım həkimliyi böyük bir sevgi ilə seçmişdir, ona müraciət edən xəstələrə kömək etmək, onların ailələrinə körpə sevinci bəxş etmək onu çox xoşbəxt edir. Ləman xanımı ən çox narahat edən mövzuların başında gənclərimizin öz sağlamlıqları barədə məlumatsız olması, ginekoloq müayinələrindən yayınmalarıdır. Ləman həkim düşünür ki, universitetlərdə ginekoloq yoxlanışlarının vacibliyi, qadın xəstəlikləri və s. barədə gənc qızlarımız maarifləndirilməlidir. Ana olmağa hazırlaşan gənc qadınların doğuşdan qorxma halları da Ləman həkimin tez-tez rastlaşdığı problemdir. Həkimimiz isə onlara zəruri olmadığı halda keysəriyyə əməliyyatı məsləhət görmür. O, bütün pasientlərinə bildirir ki, doğuş xəstəlik deyil, fizioloji prossesdir, qorxmaq lazım deyil. Qadınların təhsil alması, öz ayaqları üzərində durması çox vacibdir, lakin ana olmaq da qadınlar üçün çox əhəmiyyətli bir hadisədir. Ləman həkim də qadınlara məsləhət görür ki, 30 yaşına çatmadan ilk doğuşlarını etmələri onlar üçün daha yaxşı amildir. Ləman həkim erkən nigah və erkən doğuşların da qəti əleyhinədir. Erkən doğuş ana və körpə üçün çox böyük fəsadlara gətirib çıxarır. Doktor həmçinin xanımlara məsləhət görür ki, əgər tibbi əks-göstəriş yoxdursa, süd vermək də vacibdir. Bu həm ananın sağlamlığı, həm də körpənin inkişafı üçün vacibdir. Ləman həkim bildirir ki, bütün bu məsələlərlə bağlı öncədən məlumatlı olmaq üçün qadınların həm evlilikdən, həm də ana olmazdan əvvəl ginekoloq yanında olması, müayinə olunması, öz ginekoloqu ilə söhbət edə bilməsi vacibdir. Sağlam gələcək üçün sağlam və məlumatlı qadınlar lazımdır, bunun üçün isə Ləman Əliyeva kimi savadlı həkimlərə cəmiyyətimizdə hər zaman ehtiyac var.

Telegramda izləyin