Bu gün Ermənistanda əsir saxlanılan əsgərimizin "məhkəmə"si keçiriləcək

Aprelin 10-da yolu azaraq Ermənistan tərəfinə keçən hərbçilərimizdən biri Hüseyn Axundovun bu gün "məhkəmə"si keçiriləcək.

Sonxeber.az oxu.az-a istinadən xəbər verir ki, "Məhkəmə prosesi" Qərbi Zəngəzur vilayətinin ümumi yurisdiksiya məhkəməsində keçiriləcək.

Hüseyn Axundovun "cinayət işinə" hakim Napoleon Ohanyan baxacaq.

Qeyd edək ki, Azərbaycan ordusunun əsgəri Hüseyn Axundov yalançı iddialarla günahlandırılır.

O, Sünik rayonunda 57 yaşlı asayiş keşikçisini "qətlə yetirməkdə" təqsirləndirilir.
Xatırladaq ki, Azərbaycan Ordusunun əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu 2023-cü ilin 10 aprel tarixində Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər.

Ermənistan Müdafiə Nazirliyi aprelin 13-də Azərbaycan əsgərlərinin Ermənistanda saxlandığını etiraf edib. Sosial şəbəkələrdə və Ermənistan mediasında ermənilərin əsir götürdükləri Azərbaycan hərbçisini döymələri, ona ağır işgəncə vermələri ilə bağlı görüntülər yayılıb.

Telegramda izləyin