"Türkiyə-Azərbaycan birgə universitetinin yaradılması qardaşlıq münasibətlərimizin daha da inkişaf etməsinə öz töhfəsini verəcək" - DEPUTAT

"Azərbaycan-Türkiyə birliyi əbədi və sarsılmazdı".

Bunu Sonxeber.az-a danışan deputat Cavanşir Paşazadə.

Deputat qeyd edib ki, cənab Rəcəb Tayyib Ərdoğanın prezident seçkilərindən sonra Şimali Kipr Türk Respublikasıdan sonra Azərbaycana səfəri iki dövlət arasındakı qardaşlıq münasibətlərinin ən parlaq nümunələrindən biridir:

"İki dövlət başçısının təkbətək və geniş tərkibdə görüşlərində gələcək hədəflər açıqladı. Rəcəb Tayyib Ərdoğanın yenidən prezident seçilməsi iki ölkə arasındakı qardaşlıq və dostluq münasibətlərinin bundan sonra daha da inkişaf etməsində öz sözünü deyəcək. 44 günlük Vətən müharibəsindən sonra Azərbaycan-Türkiyə qardaşlığı daha da möhkəmləndi. Cənab prezident İlham Əliyevin də bütün çıxışlarında bu məqama xüsusi toxunularaq qardaş Türkiyənin Vətən müharibəsi başlandığı gündən sonadək xalqımızın yanında olaraq mənəvi və siyasi dəstəyini əsirgəmədiyi qeyd edilir. Bu dəstək Azərbaycana xalqına güc verərək möhtəşəm zəfərimizi təmin etdi. Bir sözlə əldə edilmiş bütün uğurların təməlində Türkiyə və Azərbaycan arasında olan qardaşlıq əlaqələri dayanır".

Deputat vurğulayıb ki, iki gündən sonra Şuşa Bəyannaməsinin imzalanmasının ikinci ildönümü qeyd ediləcək:

"Şuşa Bəyannaməsi iki qardaş ölkə arasında imzalanan tarixi anlaşmadır. Bu anlaşma nəticəsində Türkiyə və Azərbaycan rəsmən müttəfiq oldu. Bu gün Azərbaycan-Türkiyə dostluğu və birliyi bütün sahələrdə davam edir. Hazırda əsas hədəflərimizdən biri də Türkiyə-Azərbaycan birgə universitetinin yaradılmasıdır. Ümid edirəm ki, bu məsələ də yaxın gələcəkdə öz həllini tapacaq. Düşünürəm ki, birgə universitetinin açılması qardaşlıq münasibətlərimizə töhfə verərək, birliyimizi daha da artıracaq".

Aysel Yusifqızı

Telegramda izləyin