"Şuşa bəyannaməsi bir daha dünya göstərdi ki, Azərbaycan-Türkiyə hər zaman bir-birinin yanında olan qardaş ölkələrdir" - DEPUTAT

"Bu gün qardaş Türkiyə ilə münasibətlər hər bir sahədə yüksələn xətlə davam etməkdədir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Azərbaycan-Türkiyə dostluğu dünya xalqlarına nümunədir:

"İki qardaş ölkə olaraq hər zaman bir-birimizin yanında olmuşuq. Cənab Rəcəb Tayyib Ərdoğanın prezident seçkilərindən sonra Şimali Kipr Türk Respublikasıdan sonra Azərbaycana səfəri ölkələrimiz arasındakı qardaşlıq və dostluq münasibətlərinin ən gözəl nümunəsidir. 44 günlük Vətən müharibəsində qardaş Türkiyə bizə həm mənəvi, həm də siyasi olaraq çox böyük dəstək oldu. Möhtəşəm zəfəri əldə edilməsində deyərdim ki, qardaş ölkənin dəstəyinin böyük rolu oldu. İyun 15-də Şuşa bəyannaməsinin imzalanmasının ikinci il dönümü qeyd ediləcək.Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan tərəfindən 2021–ci il iyunun 15-də Şuşa şəhərində imzalanmış Şuşa Bəyannaməsi iki qardaş ölkə arasındakı münasibətlərin rəsmi şəkildə strateji müttəfiqlik səviyyəsinə çatdırılmasının əyani nümunəsidir.

Ölkə başçılarının imzaladığı sənəddə qeyd edildiyi kimi, əgər bu iki dövlətin ərazi bütövlüyünə, suverenliyinə üçüncü dövlət və ya dövlətlər tərəfindən təhdid və ya təcavüz edilərsə, onlar bir-birini Şuşa Bəyannaməsində təsbit olunan hüquqla müdafiə edəcəklər. Bu sənədin imzalanması hər iki ölkə üçün çox vacibdir. Çünki Azərbaycan və Türkiyə uzun müddətdir erməni təcavüzündən, eləcə də onu himayə edən dövlətlərin təsirlərindən əziyyət çəkir. Şuşa bəyannaməsinin imzalanmasını bir daha dünya göstərdi ki, Azərbaycan-Türkiyə hər zaman bir-birinin yanında olan qardaş ölkələrdir".

Deputat vurğulayıb ki, bu gün üçün hədəfimiz Türkiyə-Azərbaycan birgə universitetinin yaradılmasıdır:

"Türkiyə-Azərbaycan birgə universitetinin yaradılması iki ölkə arasında mövcud olan bütün sahələrdəki münasibəti daha da artıracaq".

Aysel Yusifqızı

Telegramda izləyin