Türkiyəli nazir Zəngəzur dəhlizində görüləcək işlərdən danışıb

Türkiyənin nəqliyyat və infrastruktur naziri Abdulkadir Uraloğlu Zəngəzur dəhlizində mövcud vəziyyət və planlaşdırılan işlər barədə məlumat verib.

O, dəhlizin Cənubi Qafqazda iqtisadi əməkdaşlığın inkişafı üçün yeni imkanlar yaradacağını vurğulayıb.

"Zəngəzur dəhlizinin fəaliyyətə başlaması ilə Orta Dəhlizin dəmir yolu və avtomobil yolu ilə yükdaşıma qabiliyyəti artacaq ki, bu da Pekindən Londona Şərq-Qərb ticarətinin artmasına müsbət töhfə verəcək. Ölkəmizin regionda strateji mövqeyinin əhəmiyyəti dənizdə inkişaf etdirilə biləcək layihələrlə, eləcə də Naxçıvan və Rusiya ilə nəqliyyat və enerji sahəsində əməkdaşlıqla artacaq. Həmçinin dəhlizin regionda formalaşan yükdaşıma həcminə də müsbət təsir göstərməsi planlaşdırılır. Dəhliz ölkəmizin Qafqaz sərhəddində yerləşən əyalətlərinin iqtisadi cəhətdən güclənməsi və xüsusilə logistika sektorunda məşğulluq sayının artmasına səbəb olacaq", - deyə nazir bildirib.

Uraloğlu xəttin Ermənistan sərhəddinə qədər olan hissəsinin tikintisinin davam etdiyini, Horadizdən Naxçıvanın Ordubad vilayətinə 166 kilometrlik yeni dəmir yolunun çəkiləcəyini deyib.

Xəttin Ermənistana məxsus hissəsinin Zəngəzur bölgəsindən keçəcək 43 kilometrlik hissəsinin tikintisi ilə bağlı Azərbaycan və Rusiya arasında danışıqlar aparılacağını bildirən Uraloğlu, dəmir yolu ilə avtomobil yolu xətlərinin paralel olaraq istifadəyə veriləcəyini qeyd edib.
Uraloğlu Türkiyə ilə Azərbaycan arasında yeni nəqliyyat əlaqəsini təmin edəcək Qars-Naxçıvan Dəmir Yolu Layihəsi çərçivəsində iki ölkə arasında yeni nəqliyyat əlaqəsinin təmin ediləcəyinə diqqət çəkib.

"Ordubaddan Naxçıvanın şimalında yerləşən Vəlidağ stansiyasına qədər olan 158 kilometrlik xətt əsaslı şəkildə təmir olunacaq. Bundan əlavə, xətt Vəlidağdan Ermənistan sərhədinə qədər 14 kilometr uzadılacaq. Bu yol sayəsində Qars-Tiflis-Bakı üzərindən Gürcüstana bağlanan struktura alternativ olaraq, Dilucu vasitəsilə Nahçıvana çatmaqla dəhlizə qoşulmaq mümkün olacaq".

Uraloğlu qeyd edib ki, Zəngəzur dəhlizi Mərkəzi Asiya, Xəzər regionu, Azərbaycan və Ermənistanı Türkiyə ilə birləşdirən sosial-iqtisadi, geosiyasi və geostrateji xüsusiyyətlərə malik olduğu üçün regional ticarətə müsbət təsir göstərəcək, eləcə də Rusiya, Ermənistan, Azərbaycan, Türkiyə və Türkiyə arasında dəmir yolu şəbəkəsini genişləndirəcək.

Telegramda izləyin