"3 ildir ki, Silahlı Qüvvələr Gününü əsl bayram ab-havasında qeyd edirik" - DEPUTAT

"3 ildir ki, 26 iyunu qalib ölkənin vətəndaşları kimi qeyd edirik".

Bu Sonxeber.az-a danışan deputat Cavanşir Paşazadə bildirib.

Deputat qeyd edib ki, cənab prezident İlham Əliyev dəmir iradəsi və yüksək idarəetmə qabiliyyəti ilə 44 günlük Vətən müharibəsi və ondan sonrakı dövrdə düşməni bütün cəbhədə ağır məğlubiyyətə uğradıb:

"Ali Baş Komandan cənab İlham Əliyev dövlət başçısı seçildiyi gündən bu günədək, bütün sahələrin inkişafı üçün çox mühüm addımlar atılmaqdadır. Eləcə də ordu quruculuğu. Cənab prezident İlham Əliyevin ordu quruculuğu sahəsində zamanında atdığı addımlar və verdiyi doğru qərarlar sayəsində 44 gün ərzində düşmənin illərdir qurduğu istehkamlar məhv edildi. Cənab Prezident keçən 20 il ərzində ordunun hərbi texniki bazasının gücləndirilməsi və silahlı qüvvələrimizin yüksək döyüş qabiliyyətinə yiyələnməsi üçün bütün lazım olan addımları atıb. Vətən müharibəsində və dekabrın 10-da keçirilən Zəfər Paradında biz bir daha bunun şahidi olduq".

Deputat vurğulayıb ki, 26 İyun ərazi bütövlüyümüzü bərpa edən və dünyanın ən güclü 50 ordusu sırasında olan, regionda ədaləti öz gücünə bərpa edərək adını Azərbaycan Ordusunun şərəf günüdür:

"3 ildir ki, Silahlı Qüvvələr Gününü möhtəşəm və əsl bayram ab-havasında qeyd edirik. Uzun müddət Azərbaycan işğala məruz qalan dövlət idi. Amma Ali Baş Komandan İlham Əliyevin rəhbərliyi Azərbaycanın Müzəffər Ordusu 44 günlük Vətən müharibəsində həm 30 illik işğala son qoydu, həm də regionda tarixi ədaləti bərpa etdi. Vətən müharibəsində əldə etdiyimiz qələbə ilə cənab prezident İlham Əliyev qalib sərkərdə kimi adını Azərbaycan tarixinə adını qızıl hərflərlə yazdırdı. Savadı və böyük diplomatik qabiliyyəti ilə cənab Prezident düşmənin havadarlarına layiqli yerini göstərdi. Bu gün xalqımız öz liderinə və ordsuna inanır Cənab Prezidentin yürütdüyü uğurlu daxili və xarici siyasət nəticəsində bu gün irqindən, dinindən və millətindən asılı olmayaraq, hər kəs dövlətimizdə sülh içində yaşayır. Digər ölkələrdən fərqli olaraq, ölkəmizdə sabitlik hökm sürür. Cənab Prezident dəmir iradəsi ilə düşmənin belini qıraraq təslim olmağa məcbur etdi. Düşünürəm ki, biz cənab İlham Əliyev kimi güclü liderə sahib olduğumuz üçün çox şanslıyıq".

Telegramda izləyin