"Ordumuzun döyüş qabiliyyətinin artırılması istiqamətində kompleks tədbirlər həyata keçirilir"- Deputat

"Son illər dünyada geosiyasi vəziyyətin gərginləşməsi, Ermənistanda revanşist qüvvələrin fəallaşması səbəbindən ölkəmizin ordu quruculuğuna xüsusi diqqət ayırmasını və ön plana çəkilməsini zəruri etmişdir. Vətən müharibəsindən sonra Azərbaycan Ordusu dünyanın ən müasir silahları ilə təchiz olunur. Prezident cənab İlham Əliyevin göstərişinə uyğun olaraq silah idxalı ilə bağlı yeni müqavilələr bağlanmışdır".

Bu sözləri Milli Məclisin deputatı Kamilə Əliyeva Sonxeber.az-a deyib.
O qeyd edib ki, ordumuzun döyüş qabiliyyətinin artırılması istiqamətində kompleks tədbirlər həyata keçirilir. Bugünkü Azərbaycan Ordusu Vətən müharibəsində qalib gəlmiş Ordumuzdan daha güclü bir orduya çevrilmişdir:

"Vətən Müharibəsində tarixi qələbəmizdən sonra Azərbaycan Ordusu təkmilləşdirilir, yeni hərbi hissələr, Müdafiə Nazirliyində Komando Qüvələri yaradılır və komandoların sayı artırılır. İkinci Qarabağ müharibəsində xüsusi təyinatlı qüvvələr böyük qəhrəmanlıq göstərmiş, hərbi əməliyyatlarda şücaət nümayiş etdirmişdilər.
Son illər dünyada geosiyasi vəziyyətin gərginləşməsi, Ermənistanda revanşist qüvvələrin fəallaşması səbəbindən ölkəmizin ordu quruculuğuna xüsusi diqqət ayırmasını və ön plana çəkilməsini zəruri etmişdir. Vətən müharibəsindən sonra Azərbaycan Ordusu dünyanın ən müasir silahları ilə təchiz olunur. Prezident cənab İlham Əliyevin göstərişinə uyğun olaraq silah idxalı ilə bağlı yeni müqavilələr bağlanmışdır. Ordumuzun döyüş qabiliyyətinin artırılması istiqamətində kompleks tədbirlər həyata keçirilir. Bugünkü Azərbaycan Ordusu Vətən müharibəsində qalib gəlmiş Ordumuzdan daha güclü bir orduya çevrilmişdir. Müdafiə Nazirliyilə yanaşı Dövlət Sərhəd Xidmətinın, Daxili Qoşunların, Dövlət Təhlükəsizlik Xidmətinin, Xarici Kəşfiyyat Xidmətinin xüsusi təyinatlarının sayı artırılmışdır.
Prezident cənab İlham Əliyev 23 iyun tarixində Müdafiə Nazirliyinin Komando hərbi hissəsinə Döyüş bayrağının təqdim edilməsində Ordumuzun maddi texniki bazasının genişləndirilməsindən, silahlı qüvvələrimizin dünyanın ən müasir silahlarla təmin olunmasından, eləcə də döyüş meydanında olduğu kimi diplomatik sahədə də Azərbaycanın Ermənistan üzərində gələbə qazanmasından danışmışdı.
Bəzi ermənipərəst qüvvələr Azərbaycanı qisasçılıqda ittiham etməyə çalışırlar. Əslində Azərbaycan ədaləti bərpa etmişdir. Biz torpaqlarımızı işğaldan azad etməklə yanaşı dünyada beynəlxalq hüququn bərqarar olmasını təmin etdik. Azərbaycanın Vətən müharibəsində qələbə qazanmasını şərtləndirən amillərdən biri də ölkəmizin iqtisadi cəhətdən güclü olmasıdır. Bu gün Azərbaycan müstəqil iqtisadi siyasət həyata keçirir və iqtisadiyyatımızın inkişafı hər hansı dövlətdən asılı deyil. Prezident cənab İlham Əliyevin apardığı uğurlu xarici siyasətin və ölkə daxilində həyata keçirdiyi dayanıqlı iqtisadi islahatların reallaşdırılması nəticəsində Azərbaycan tək regionda deyil dünyada söz sahibinə çevrilmişdir.
Müharibə qələbəmizlə başa çatdıqdan sonra bölgədə sülhün bərqərar olması üçün Azərbaycan Ermənistanla sülh sazişi bağlamağa hazır olduğunu bəyan etmişdir. Lakin Ermənistan və havadarları sülh sazişinin imzalanması prosesini uzatmaq niyyəti güdürlər. Əslində sülh sazişinin imzalanması Azərbaycandan çox Ermənistana lazımdır. Ermənistan bölgədə Azərbaycanın həyata keçirdiyi bütün beynəlxalq iqtisadi layihələrdən kənarda qalmışdır. Bu da Ermənistanın ağır olan iqtisadi vəziyyətinin daha da pisləşməsinə doğru aparır.
Son vaxtlar Ermənistan rəhbərliyi Azərbaycanın 86,6 min kv.km-də ərazi bütövlüyünü tanıdığını etiraf etmişdir. Ermənistan yaranmış reallığı gəbul edərək yaxın vaxtlarda bu etirafı rəsmi sənədlərdə də öz imzası ilə təsdiq etmək məcburiyyətindədir. Bir vaxtlar "Qarabağ Ermənistandır" deyən Ermənistanın Baş Naziri Nikol Paşinyan artıq Qarabağ Azərbaycandır ifadəsini vurğulamışdır. Azərbaycanın iqtisadi və siyasi cəhətdən güclü dövlət, Azərbaycan ordusunun dünyada ən güclü ordulardan biri olması dünyada nüfuzumuzu daha da artırmışdır".

Telegramda izləyin