"Özbəkistan Azərbaycanla ticarət dövriyyəsinin son 6 illik artım dinamikasında lider mövqeyə yüksəlib" - ŞƏRH

Özbəkistan nəinki Türkiyəni, hətta bütün ölkələri geridə qoyaraq Azərbaycanla ticarət dövriyyəsinin son 6 illik artım dinamikasında lider mövqeyə yüksəlib.
"Azərbaycan ticarət apardığı 240-dan çox ölkədən təxminən 100 ölkə ilə (2022-ci ildə 97 ölkə olub) illik dövriyyəsi 1 milyon dollardan çoxdur. Özbəkistan məhz bu 100 ölkə arasında son 6 ildə Azərbaycanla ticarət dövriyyəsini 1200% artırmışdır. 2016-cı ildə 15,3 milyon dollarlıq dövriyyə ötən il 183,3 milyon dolları ötmüşdür. Yalnız Avstraliya bəzi illərdə Özbəkistandan üstün artım sərgiləsə də bunun davamlı olmaması görə onu dinamik aldandırmaq olmaz".

Bu sözləri Sonxeber.az-a iqtisadi ekspert Eldəniz Əmirov deyib.

O bildirib ki, dünən Bakıda keçirilən Azərbaycan-Özbəkistan biznes forumunda və bü gün isə Energetika nazirləri arasında 2023-2025-ci illər üçün enerji sektorunda əməkdaşlığın genişləndirilməsinə dair imzalanan Yol Xəritəsi ölkələr arasında iqtisadi münasibətləri yeni mərhələyə keçdiyindən xəbər verir.

"Çünki, iqtisadiyyat nazirinin olduğu biznes forumda ticarət, investisiya, sənaye, kənd təsərrüfatı sahələrində əməkdaşlığın dərinləşdirilməsi dair aparılan müzakirələr və imzalan sənədlər, eyni zaman da energetika nazirinin imzaladığı 14 istiqaməti əhatə edən Yol Xəritəsi hər iki ölkədə karbohidrogen resurslarının geoloji kəşfiyyatı və hasilatı, birgə müəssisələrin yaradılmasına dair əməkdaşlıq ölkələr arasında ciddi perspektivdən xəbər verir, deyə bilərik. Qalır, bu proseslərin kağız üzərindən reallığa çevrilmək. Bu isə işin çətin və məhsuliyyətli tərəfidir. İstər biznesforumdan, istərsə də imzalanan yol xəritəsindən gözləntilərin gercəkləşməsi üçün aidyyətı qurum rəhbərlərindən tutmuş, həmin qurumlarda çalışan əməkdaşlara qədər, eləcə də bu və ya digər formada bu proseslərlə əlaqəli olan bütün subyektlərdən gərgin əmək və zəhmət tələb edir. Çünki böyük işlər üçün böyük zəhmət və davamlı əmək mütləqdir".

Telegramda izləyin