Hindistanın Milli Müdafiə Kollecinin nümayəndə heyəti Ermənistana səfər edib

Hindistanın Milli Müdafiə Kollecinin nümayəndə heyəti avqustun 27-dən 31-dək Ermənistanda səfərdədir.

Sonxeber.az xəbər verir ki, bu barədə Ermənistan Müdafiə Nazirliyi məlumat yayıb.

Bəyanatında deyilir ki, nümayəndə heyətinə kollecin komendantı, general-leytenant Sukriti Sinq Dahiya rəhbərlik edir.

Nümayəndə heyəti Hindistan, Fransa, Braziliya, Nigeriya, Monqolustan və Şri-Lankadan olan yüksək səviyyəli hərbi və mülki nümayəndələrdən ibarətdir.

Avqustun 28-də Müdafiə Nazirliyinin baş qərargahında Ermənistan Silahlı Qüvvələrinin Baş Qərargah rəisi və müdafiə nazirinin birinci müavini general-leytenant Edvard Asryan, eləcə də digər yüksək rütbəli rəsmilər nümayəndə heyəti ilə görüş keçirib. .

Nümayəndə heyəti daha sonra nazirliyin Müdafiə siyasəti və beynəlxalq əməkdaşlıq şöbəsinin müdiri Levon Ayvazyanla görüşüb, həmçinin Milli Müdafiə Tədqiqat Universitetində olub.

Görüşlərdə regional təhlükəsizlik, Ermənistanın müdafiə siyasəti, hərbi islahatlar, hərbi təhsil və hərbi elmlə bağlı geniş spektrli məsələlər müzakirə olunub.

Müdafiə naziri Suren Papikyan da nümayəndə heyəti ilə görüş keçirəcək.

Telegramda izləyin