Ermənistan və Koreyanın xarici işlər nazirləri görüşüb

Ermənistan Respublikasının xarici işlər naziri Ararat Mirzoyan Koreyanın xarici işlər naziri Park Jin ilə görüşüb.

Sonxeber.az xəbər verir ki, həmsöhbətlər ikitərəfli gündəliyin genişləndirilməsi və qarşılıqlı maraq doğuran sahələrdə əməkdaşlığın dərinləşdirilməsi imkanlarını müzakirə edib, mövcud potensialdan daha səmərəli istifadə istiqamətində addımlar atmağa hazır olduqlarını bildiriblər.

Əməkdaşlıq üçün perspektiv istiqamətlər kimi ticarət, iqtisadiyyat, elm, təhsil, mədəniyyət sahələri, o cümlədən innovasiya və yüksək texnologiyalar sahələri göstərilib. Bu kontekstdə Koreya Beynəlxalq Əməkdaşlıq Agentliyi ilə səmərəli əməkdaşlığın genişləndirilməsinin vacibliyi vurğulanıb.

Görüşdə regional təhlükəsizlik məsələlərinə toxunulub.

Telegramda izləyin