Azərbaycan XİN Fransanın Qarabağla bağlı mövqeyinə reaksiya verib

Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Azərbaycanın Qarabağ siyasətinin "qanunsuz" və "əxlaqsız" olduğunu iddia edən Fransanın xarici işlər naziri Ketrin Kolonnaya münasibət bildirib.

Sonxeber.az xəbər verir ki, Ayxan Hacızadə Kolonnanın Səfirlər Konfransında səsləndirdiyi Azərbaycan əleyhinə fikirlərlə bağlı yazılı açıqlama verib.

"30 ilə yaxındır ki, Azərbaycan torpaqları Ermənistanın işğalı altındadır, Ermənistanın azərbaycanlılara qarşı etnik təmizləmə siyasəti, soyqırımı və kütləvi qətllər, 1 milyona yaxın azərbaycanlının öz yurd-yuvasından didərgin salınması və onların hüquqlarının tapdalanması, Azərbaycan şəhərlərinin dağıdılması və talan edilməsi kəndlərin dağıdılması, tarixi abidələrin dağıdılması, Ermənistan ordusunun Azərbaycan ərazisindən tam çəkilməməsi kimi faktlara məhəl qoyulmaması qanunsuz və əxlaqsız yanaşmanın nümunəsidir",- deyə Ayxan Hacızadə bildirib.

Telegramda izləyin