Ərdoğan və Putinin görüşü gözlənilir

Türkiyə prezidenti Rəcəb Tayyib Ərdoğanla Rusiya prezidenti Vladimir Putinin görüş keçirəcəyini açıqlayıb. Rusiyada keçiriləcək sammitin sentyabrın ilk həftəsində baş tutacağı gözlənilir.

Sonxeber.az xəbər verir ki, bu barədə Kreml məlumat yayıb.

Kremlin sözçüsü Dmirtri Peskov jurnalistlərə bildirib ki, Moskva prezident Rəcəb Tayyib Ərdoğanın Rusiyaya səfəri ilə bağlı yaxın vaxtlarda rəsmi açıqlama verəcək.

"Bu görüş yaxın vaxtlarda Rusiyada baş tutacaq. Yaxın bir neçə gün ərzində rəsmi açıqlama verəcəyik" ,- deyə o bildirib.

Hələlik nə Türkiyə, nə də Rusiya bu görüşün rəsmi tarixini açıqlamayıb.

Peskov əvvəlki açıqlamasında iki liderin tezliklə görüşəcəyini bildirmişdi.

Şəbnəm Lətifi

Telegramda izləyin