Dəhşət! 25 il otaqda həbsdə qalıb-FOTO

Əfqanıstanın paytaxtı Kabildə bir qadın 25 ildir qardaşları tərəfindən xaraba otaqda kilidli saxlanılıb.

BiG.AZ xarici mənbəyə istinadən xəbər verir ki, qadın Taliban administrasiyasına bağlı təhlükəsizlik qüvvələri tərəfindən xilas edilib. 25 ildir həbsdə olan "Nikbaht" adlı qadın qonşuların Taliban qüvvələrinə məlumat verməsindən sonra sərbəst buraxılıb. Qadının 4 qardaşı həbs edilib.

Kabil 10. Bölgə Təhlükəsizlik Müdiri Əbdül Rəhim Ecmal mövzu ilə əlaqədar: "Yerli camaatın xəbərdarlığı nəticəsində bir qadının 25 il evdə saxlandığını öyrəndik və dərhal əməliyyatını təşkil etdik. Qardaşı onu 25 il otaqda saxlayıb və zorakılıq edib. Qadının iddiasına görə psixoloji problemləri var idi, heyvanın belə yaşaya bilməyəcəyi otaqda saxlayıblar. Məsul şəxsləri həbs etdik" sözlərini deyib.

Qadının qaldığı təxminən 10 kvadratmetrlik otaq bir növ xarabanı xatırladır. Otağın içi daş və zibillə doludur. Demək olar ki, bütün tavan hörümçək torları ilə örtülüb. Bununla yanaşı, Nikbahta otağın pəncərəsinin altındakı dəlikdən çirkli qabda yemək verildiyi, yuyunmadığı və eyni paltarda yaşadığı öyrənilib.

Taliban təhlükəsizlik qüvvələri qadını xəstəxanaya yerləşdirib. Həkimlərdən Rüya Behzad qadın üçün fiziki müalicəyə başlanılacağını qeyd edib: "İlk gələndə huşunu itirmişdi, danışa bilmirdi. İndi vəziyyəti yaxşılaşır. Danışa bilir, yeyir, otura bilir" fikirlərini tamamlayıb.

Telegramda izləyin