"Fransa Qarabağdakı prosesə müdaxilə edə bilməyəcək" - Politoloq

Fransa prezidenti Emmanuel Makron müsahibəsində Azərbaycanın Ermənistana qarşı mümkün hücumundan narahat olduğunu bildirib.

Mövzu ilə bağlı Sonxeber.az-a danışan politoloq Qabil Hüseynli bildirib ki, Fransa bundan sonra Qarabağdakı prosesə müdaxilə edə bilməyəcək. Proseslərə tam nəzarəti Azərbaycan və rus sülhməramlıları həyata keçirir.

"Fransa indiyə kimi Ermənistanın tərəfində olub. Hər dəfə də uduza-uduza gedir. Fransa bundan sonra Qarabağa müdaxilə edə bilməyəcək. Çünki proseslərə tam nəzarəti Azərbaycan və rus sülhməramlıları həyata keçirir. Üçüncü bir ölkənin, heç Ermənistanın belə prosesə qarışmasına ehtiyac yoxdur. Rusiya Azərbaycanın haqlı işini dəstəkləyir. Haqsız olsa, əks reaksiya görə bilərdi. Azərbaycanın öz ərazisində yaşayan icmanın mövcud hakimiyyət orqanlarına tabeçiliyi getdikcə həll olmaq üzrədir. Biz başqa ölkənin ərazisinə soxulmamışıq, başqa xalqı itaətimiz altına almaq istəmirik" ,- deyə politoloq qeyd edib.

Şəbnəm Lətifi

Telegramda izləyin