"O, həmin Vardanyandır ki, Azərbaycanı hədələdiyinin şahidi olmuşuq"-AÇIQLAMA

Ermənistan tərəfi beynəlxalq ictimaiyyət qarşısında şour yaratmaq üçün əssassız iddialara davam edir. Buna daha bir nümunə olaraq 27 senytabrda qondarma rejimin "dövlət naziri" vəzifəsində çalışmış Ermənistan vətəndaşı Ruben Vardanyanın həbsini nümunə göstərmək olar. Erməni mediası Ruben Vardanyanın məhkəmə qarşısına çıxmadan işgəncə görüldüyünü və edam cəzası alacağı ilə bağlı məlumatlar yayırlar. Bununla bağlı BiG.AZ-a danışan "Konstitusiya Araşdırmaları" Fondunun prezidenti, ədliyyə naziri yanında ictimai komitənin üzvü Əliməmməd Nuriyev deyib ki, ermənilər istənilən separatçının tutulması ilə bağlı dərhal vəziyyəti siyasiləşdirməyə çalışırlar. Bu onların xislətində var. Ruben Vardanyana bir çox ittihamlar irəli sürülüb. İlk olaraq bu adam Azərbaycan sərhədini qeyri-qanuni keçib. Ermənistan vətəndaşıdır və müvafiq sərhəd prosedurlarına əməl etməyib. İkincisi o Azərbaycan sərvətlərinin talan edilməsində birbaşa iştirak edib. Azərbaycanda qeyri-qanuni erməni qüvvələrini ideoloji silahla təmin edilməsində, Azərbaycana qarşı qətliamlarında çağırışları olmuşdur. Azərbaycanlılara qarşı bir çox terrorçu çağırışların hamısında Ruben Vardanyan özü iştirak edib:

"Eyni zamanda silahlı birləşmələrin yaradılması, ona dəstək verməsi ilə bağlı Vardanyanın cinayət əməlləri mövcuddur. Həmçinin Vardanyanın Azərbaycanda ərazisində qeyri-qanuni məskunlaşma prosesinə maliyyə dəstəyinin birbaşa həyata keçirilməsi bağlı cinayətlər başqa bir maddə də öz əksini tapır. Buna insanlıq əleyhinə olan cinayətlərdə bu şəxsi ittiham etmək üçün yetəri qəddər əsas var. Ermənilər edam iddiaları siyasi şou xarakteri daşıyır. Azərbaycanda edam cəzası 1998-də ləğv olunmuşdur. 1994-cü ildən günümüzə kimi ölüm cəzası tətbiq olunmayıb. İkinci tərəfdən Azərbaycan tərəfi istər silahlı birləşmələrə qarşı antiterror tədbirləri çərçivəsində də legitim hədəflərdən biridir amma onları məhv etmədi. Axtarışda olduğu üçün, xüsusilə bir neçə il əvvəl bölgəyə daxil olduğu üçün Azərbaycan haqqında axtarış vermiş, haqqında cinayət işi qaldırılmışdır. Sərhədçilərimizin sayıqlığı nəticəsində Vardanyan həbs edilib və müvafiq qayda da onunla bağlı istintaq əməliyyatlarına başlanılıb. Yaxın günlərdə Baş Prokurorluq əlavə məlumatlar bildirəcək".

Hüquqşünas bildirib ki, Vardanyana qarşı istintaq prosesi Azərbaycan Respublikası Milli Qanunvericiliyinə əsasən uyğun davranılır. Vardanyanın tutulduğu andan etibarən zəruri müdafiəsi prosesi baş verəcəkdir:

"Böyük ehtimalla artıq belə təkliflər olunub. Bu baxımdan qanunvericilikdə nəzərdə tutulmuş bütün prosedurlara uyğun olaraq o şəxs saxlanılıb. Ermənilərin hərəkətləri hay-küydən başqa bir şey deyil. Yenə də beynəlxalq təşkilatların diqqətini cəlb etmək istəyirlər. Dünyanın gözü qabağında onun necə həbs edilib saxlanıldığı göstərildi. Onun hara aparılması ilə bağlı, müvafiq istintaq əməliyyatları ilə bağlı məlumat yayılıb. Vardanyan məhkəmə qarşısına çıxacaq və Azərbaycan cinayət məcəlləsi ilə bir neçə maddə ilə ittiham oluna bilər. Əminəm ki özünün layiq olduğu cəzanı alacaq.Ermənilər Ruben Vardanyanın həbs olunmasını siyasiləşdirirlər. Bununla bir reklam düzəltməyə çalışırlar. Beynəlxalq ictimaiyyət qarşısında əzabkeş obrazını yaratmağa çalışırlar. Bu vardanyan o vardanyandır ki, Azərbaycana qarşı çağırışlar etdiyinin və hədələdiyinin şahidi olmuşuq. İstintaq prosesləri başa çatdıqdan sonra məhkəmə haqqında qərarı verəcək".

Qeyd edək ki, Məhkəmə tərəfindən Ruben Vardayan barəsində dörd aylıq həbs qətimkan tədbiri seçilib. Ermənistan vətəndaşı olan 1968-ci il təvəllüdlü R.Vardanyanın Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə nəzərdə tutulan cinayət əməllərini törətməsinə əsaslı şübhələr müəyyən edilib.

Telegramda izləyin