Anar Mustafazadə: "Müasir dövr şagirdinin tələbatlarını ödəyəcək tədris proqramları qurulub"

"Hazırda müasir dövr şagirdinin tələbatlarını ödəyəcək tədris proqramları qurulub. Fənnlər şagirdin bir şəxsiyyət kimi formalaşmasında, sosial fərd kimi inkişafına xidmət edir. Onlara lazım olan bütün fənnlər üzrə artıq ümumtəhsil müəssisələrində fənnlər tədris olunur. Bu kifayətdir ki, müasir dövrün insanına hansı səriştələr lazımdırsa həmin biliklər və fənnlər istiqamətində ötürülsün".

Bu sözləri Bakı Şəhəri üzrə Təhsil İdarəsinin Keyfiyyətə nəzarət sektorunun müdiri Anar Mustafazadə Sonxeber.az-a müsahibəsində deyib.

Anar Mustafazadənin sözlərinə görə, şagirdlərin tədris proqramlarına yeni fənlər daxil olunub. Rəqəmsal bacarıqları, STEAM dərsləri, müxtəlif dərnəklərin fəaliyyət göstərməsi, şagirdlərin maraqları istiqamətində məktəblərdə imkanlar var.

O, təhsildə keyfiyyətın artırılması və təhsilin inkişafı ilə bağlı sualları da cavablandırıb.

Telegramda izləyin