Boşanmaq istəyən qadın ərindən necə təhlükəsiz ayrıla bilər? - PSİXOLOQDAN AÇIQLAMA
Boşanmaq istədiyi üçün həyat yoldaşı tərəfindən öldürülən qadınlarla bağlı xəbərlər qadınların zorakılıq münasibətlərindən təhlükəsiz şəkildə çıxması məsələsini yenidən gündəmə gətirir. Təhdid və şiddət görən qadın üçün münasibətdən ayrılmaq qərarı bəzən ciddi təhlükə yarada bilər.
Bəs qadın şiddət görmədən və öldürülmədən psixoloji və fiziki zorakılıq göstərən ərindən necə canını qurtara bilər, hansı addımları əvvəlcədən atmalıdır?
Mövzu ilə bağlı psixoloq Samirə Bağırova Sonxeber.az-a açıqlamasında bildirdi ki, bəzi müsəlman cəmiyyətlərində gender bərabərliyinin yalnız kağız üzərində qalması, kişi üstünlüyünün sosial norma kimi qəbul edilməsi və zorakılığın müəyyən hallarda normallaşdırılması qadınlara qarşı zorakılığı gücləndirən sosial amillərdən biri kimi qiymətləndirilir. Onun sözlərinə görə, qadının boşanması, yaxud boşanmaq istəməsi qətl səbəbi deyil: "Kişilərdə artıq əvvəldən mövcud olan təhlükəli davranış boşanma mövzusunda daha da kəskinləşməyə başlayır. Burada "hamısının psixoloji xəstəliyi var" demək yanlışdır. Bəzilərində sahiblik hissi - yəni " sən mənimsən " deyib, qadını özünün şəxsi mülkü kimi qəbul etmək var. Qadın münasibəti bitirmək istədikdə sanki,onun hakimiyyətinə qarşı çıxmış kimi qəbuı edir. Bəzi kişilərdə rədd edilməyə dözümsüzlük var. Özünü "heç kim" hiss edərək, alçaldılmış və rədd edilmiş kimi hiss edir. Digərlərində patoloji qısqanclıq və paranoid düşüncələr ola bilir. Məsələn; "mütləq başqa kişi var", "məni aldadır", "məndən sonra başqası ilə olacaq" kimi düşüncələr fakt olmadan, amma bu düşüncələri həqiqət kimi yaşayırlar.
Eləcə də, əgər münasibətdə nəzarət və zorakılıq varsa, təhlükə artıq çox əvvəldən mövcuddur. Bu kimi ciddi bir məsələnin qarşısını almaq üçün, zorakılığa göz yuman sosial münasibətlərlə yanaşı, zorakılıq törədən şəxslərə tətbiq olunan hüquqi məsuliyyət də ciddi olmalıdır. Xüsusilə ağır və təkrarlanan zorakılıq hallarında uzunmüddətli həbs cəzası nəzərdə tutulmalıdır. Qadına və uşağa qarşı zorakılıq "ailə məsələsi" kimi deyil, inkişaf etmiş cəmiyyətlərdəki kimi cinayət kimi yanaşılsa, cəmiyyət qətldən əvvəlki davranışları görməyi maariflənərək öyrənsə, "barışdırmaq" avtomatik həll kimi təqdim edilməsə, psixoloji yardım yalnız qadına deyil, kişiyədə də zamanında yönəlsə, "boşanmaq istəyirəm" cümləsi kişilərə risk siqnalı kimi qəbul edilməməsi öyrədilsə bəlkə o zaman inkişaf etmiş cəmiyyətlər sırasına daxil olarıq.
İnkişaf yalnız texnologiya və iqtisadiyyatla deyil, insana, xüsusilə qadına,uşağa və hətta heyvana verilən qanuni dəyərlə ölçülür. Bu cür halların davamlı təkrarlanması cəmiyyətin psixoloji və sosial şüurunun inkişaf etdirilməsinə ehtiyac olduğunu göstərən mühüm siqnaldır".
Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri