"Müstəqilliyimizin 50 illiyində azərbaycanlı qardaşlarımız da bizimlə olacaq" - Şimali Kipr prezidenti

"Müstəqilliyimizin 50 illiyində azərbaycanlı qardaşlarımız da bizimlə olacaq".

Sonxeber.az xəbər verir ki, bu sözləri Azərbaycanda səfərdə olan tanınmayan Şimali Kipr Türk Respublikasının prezidenti Ersin Tatar Şimali Kipr Türk Respublikasının Mədəniyyət və Təqdimat Günləri çərçivəsində təşkil olunan sərgidə çıxışında deyib.

"20 iyul 1974-cü ildə Şimali Kiprdə yeni bir dönüş nöqtəsi yarandı. Şimali Kipr türk xalqı yenidən azadlığına qovuşarkən bütün türk dünyası bizimlə birlikdə güldü.
1974-cü ildən 50 il sonra yenidən iyul ayında, 2024-cü ildə 50 illiyimizi qeyd edəcəyik. Dəyərli azərbaycanlı qardaşlarımız da o gün bizimlə olacaq. Sizi dəvət edirəm. Bizim Kiprdə turizm investisiyalarımız var. 144 təhsil qurumlarımız var. Bütün bunlar son 50 ildə Şimali Kiprin uğurudur. Rifah dolu gələcək bizi gözləyir" ,- deyə o bildirib.

Qeyd edək ki, Şimali Kipr Türk Respublikasını yalnız Türkiyə tanıyır.

Şəbnəm Lətifi

Telegramda izləyin