"Ermənistanın Azərbaycana qarşı müharibəsi 2 istiqamətdə getməkdədir" - Elman Nəsirov

Füzulidə 2 nəfərin minaya düşməsi nəticəsində 1 nəfər ölüb, 1 nəfər yaralanıb.

Milli Məclisin deputatı Elman Nəsirov Sonxeber.az-a bildirib ki, hələ də Ermənistan ölkəmizə qarşı mina terroru siyasətini həyata keçirməkdədir.

Deputat qeyd edib ki, Ermənistanın Azərbaycana qarşı müharibəsi 2 istiqamətdə getməkdədir:

"Füzulidə 2 soydaşımız minaya düşüb. Deməli hələ də Ermənistan ölkəmizə qarşı mina terroru siyasətini həyata keçirməkdədir. Ermənistanın Azərbaycana qarşı müharibəsi 2 istiqamətdə getməkdədir. Birincisi mina müharibəsi, digəri isə informasiya cəbhəsindəki dezinformasiya müharibəsidir. Azərbaycan Prezidenti cənab İlham Əliyev beynəlxalq kürsülərdən bəyan edib ki, Ermənistan terror dövlətidir. Ermənistan Azərbaycanla müharibə bitdikdən sonra, yəni 2020-ci ilin 10 noyabrından sonra Laçında sərhəd buraxılış məntəqəsinə yerləşdirmədiyimiz zaman Ermənistan 1 milyondan çox mina basdırıb və onların əksəriyyəti 2021-ci il istehsalıdır. Deməli, Laçın buraxılış məntəqəsinin açılması artıq zamanın tələbi idi və Azərbaycan dövləti bunu etdi. Amma hələ Ermənistan mina terroru siyasətini aparmaqdadır. Eyni zamanda onların Qarabağdan kütləvi köç edərkən yenə də mina müharibəsini Azərbaycanla münasibətlərdə istifadə etməsi istisna edilmir. Çox istərdik ki, beynəlxalq ictimaiyyət, xüsusilə BMT-nin Qarabağa 2 dəfə göndərdiyi missiya bütün faktları toplayıb Ermənistanın Azərbaycana bu günə qədər mina terroru siyasəti apardığını qeyde alsınlar və Errmənistana sərt cəza tədbirlər tətbiq etsinlər".

Telegramda izləyin