"İnstagram" fələstinliləri terrorçu adlandırıb

Həmasın İsrailə qarşı başlatdığı Əqsa tufanı əməliyyatından 14 gün keçir.

BiG.AZ xarici mənbəyə istinadən xəbər verir ki, müharibənin şiddəti günü-gündən artdıqca, itkilər də artır. Dünyanın ən məşhur sosial media platformalarından biri olan İnstaqramda ərəb istifadəçilər öz profillərində ərəbcə "Fələstin" və "Əlhəmdulillah" sözlərini yazdıqda avtomatik olaraq "Fələstinli terrorçular azadlıq uğrunda mübarizə aparır" kimi tərcümə olunub.

Meta bu vəziyyətə görə üzr istəyib və İnstaqramda baş verən hadisənin tərcümə xətası olduğunu vurğulayıb. "The Guardian"a verdiyi müsahibədə Meta sözçüsü deyib: "Biz bəzi məhsullarımızda ərəbcəyə uyğun olmayan tərcümə məsələsini həll etdik. Bu vəziyyətə görə səmimi qəlbdən üzr istəyirik".

Məsələ ilk dəfə bu həftənin əvvəlində YtKingKhan adlı TikTok istifadəçisi tərəfindən gündəmə gətirilib. İstifadəçi fələstinlilərin paylaşımlarının susdurulduğunu və senzuraya məruz qaldığını vurğulayıb.

Telegramda izləyin