Gələn il bu ərazilərdə torpaq qiymətləri bahalaşacaq – PROQNOZ

"Növbəti ildən etibarən Bakıda torpağın bahaşlaşması gözlənilir".

Bunu Bizim.Media-ya açıqlamasında daşınmaz əmlak üzrə ekspert Ramil Qasımzadə deyib.

Ekspert paytaxtda bahalaşmanı stimullaşdıran bəzi amillərin olduğunu bildirib:

"Həmin amillərdən biri də mərkəzdə çoxmərtəbəli binaların tikintisi üçün torpaq sahəsinin tapılmamasıdır. Buna görə də sahibkarlar şəhərin kənar məntəqələrinə üz tutmağa məcbur olurlar. Əsasən də, Binəqədi, Sabunçu, Abşeron, Xırdalan və digər istiqmətlərə üz tuturlar. Bu ərazilərdə hündürmərtəbəli bina tikintisi üçün yer tapmaq mümkündür".

Müsahibimiz vurğulayıb ki, mərkəzdə, xüsusilə də Nərimanov, Nəsimi, Səbail rayonlarında boş ərazi tapmaq müşkülə çevrilib:

"Bu ərazilərdə çoxmərtəbəli binaların tikintisi ilə bağlı torpaq əldə etmək üçün mütləq fərdi yaşayış evlərinin söküntüsü həyata keçirilməlidir. Bu da sahibkarlara xeyli baha başa gəlir. Ona görə ki söküntü zamanı ilk növbədə vətəndaşa kompensasiya ödənilməlidir. Eyni zamanda, əgər torpaq sahəsi dövlətə məxsusdursa, özəlləşdirilməsini həyata keçirmək lazımdır. Bu da torpağın qiymətinin bahalaşmasına səbəb olan amillərdən birinə çevrilir".

Telegramda izləyin