"Şahramanyanın bəyanatı separatçılığa çağırış kimi qiymətləndirilməli və cinayət məsuliyyətinə cəlb edilməlidir" - DEPUTAT

Separatçıların sonuncu "lideri" Samvel Şahmaryan İrəvanda keçirilən mitinqdə etirazçılar qarşısında deyib ki, "Dağlıq Qarabağ Respublikası"ı ləğv olunmayıb. O, fikrilərini belə əsaslandırıb ki, 19-20 sentyabrda Azərbaycanın keçirdiyi antiterror tədbirləri zamanı itki verməmələri üçün belə sənəd imzalayıb. Bir də onu qeyd edib ki, müharibə bir saata dayanmasa, onlar şəhərə girib uşaqları öldürəcəkdilər".

Şahmaryanın bu açıqlaması onlar üçün nə ilə nəticələnə bilər?

Bununla bağlı Sonxeber.az-a danışan deputat Nəsib Məhəməliyev bildirib ki,separatçıların lideri Sahramanyanın İrəvandakı mitinqdə səsləndirdiyi "Dağlıq Qarabağ respublikası ləğv olunmayıb" kimi sarsax fikirləri ilə bir daha ermənilər üçün nə imzanın, nə də ki, hansısa rəsmi sənədin əhəmiyyət daşımadığını göstərdi:

"Hüquqi baxımdan, Şahramanyanın bəyanatı yenidən separatçılığa çağırış kimi qiymətləndirilməli və cinayət məsuliyyətinə cəlb edilməlidir. Digər tərəfdən, onun dediklərinin heç bir əhəmiyyəti yoxdur. Qatar çoxdan gedib. Xankəndində bayrağımızın qaldırılması ilə, Azərbaycan ərazi bütövlüyünü tam təmin edib. Bir daha öz ərazisində separatçılığın baş qaldırmasına imkan verməyəcəkdir".

Telegramda izləyin