Cinsi zorakılığa görə məhkum edilən şəxslərin pedaqoji fəaliyyətlə məşğul olmasının qadağan edilməsi ilk oxunuşda təsdiqlənib

Azərbaycanda cinsi zorakılıqla bağlı cinayətə görə məhkum olunmuş şəxslər pedaqoji fəaliyyətlə məşğul ola bilməyəcəklər.

Sonxeber.az-ın xəbərinə görə, bununla bağlı parlamentin bugünkü plenar iclasında ilk oxunuşda müzakirəyə çıxarılan "Ümumi təhsil haqqında" qanuna dəyişiklik təklif edilir.

Dəyişikliklə qanunun 27.2.5-ci maddəsinə "və ya" sözlərindən sonra "cinsi" sözü əlavə olunur. Təklif olunan dəyişiklikdən sonra isə cinsi zorakılıqla bağlı cinayətə görə məhkum olunmuş şəxslər pedaqoji fəaliyyətlə məşğul ola bilməyəcəklər.

Qanunun hazırkı bəndində isə qeyd edilib ki, uşaqlara qarşı cinsi istismar və ya zorakılıqla bağlı cinayətə görə məhkum olunmuş şəxslər pedaqoji fəaliyyətlə məşğul ola bilməzlər.

Müzakirələrdən sonra dəyişiklik layihəsi I oxunuşda təsdiqlənib.

Telegramda izləyin