Nurlan Əliyev: "Polis əməkdaşları tərəfindən narkotiklərin qanunsuz dövriyyəsinin qarşısının alınması tədbirlərinin sayı artıb"

"Azyaşlılar ilə bağlı narkotik vasitədən istifadəsi və bunun geniş vüsət alması faktını tədiqləməzdim. Bu dinamik artıq aşağı düşüb. Məktəblərdə, təhsil ocaqlarında narkotik vasitələrin təsiri altında, bundan istifadəsi ilə bağlı fakt polis əməkdaşları tərəfindən aşkarlanmayıb. Apardığımız müşahidələr onu göstərir ki, bəzi hallarda yeniyetmələr arasında narkotik vasitələrin mövcudluğu faktları var. Bununla bağlı, daha çox polis əməkdaşları tərəfindən keçirilən maarifləndirici tədbirlər əsas rol oynayır".

Sonxeber.az xəbər verir ki, bu sözləri Sonxeber.az-a müsahibəsində Daxili İşlər Nazirliyinin (DİN) Mətbuat xidmətinin əməkdaşı Nurlan Əliyev deyib. Nurlan Əliyev müsahibə zamanı İrandan Azərbaycana gətirilməsi cəhdlərinin artımı haqqında məlumat verib:

"Burada yanaşma fərqli olmalıdır. Bir neçə illər öncə bu rəqəmlər belə deyildi. Burada polisin fəaliyyətində inkişaf var və dinamika artıb. Polis əməkdaşları tərəfindən narkotik vasitələrin qanunsuz dövriyyəsinin qarşısının alınması məqsədilə keçirilən tədbirlərin sayı artıb. Tədbir olmasa bu gün o rəqəmlər sıfırlana bilər. Bu o demək deyil".

Qeyd edək ki, Nurlan Əliyev gənclər arasında narkotik vastələr ilə keçirilən maarifləndirici tədbirlər, apteklərdə satılan reseptsiz dərmanların yaratdığı aslılıqlar haqqında sualları cavablayıb.

Telegramda izləyin