"Ermənistan-Kanada münasibətləri ümumi dəyərlərə söykənir" -Mirzoyan

"Ermənistan və Kanada arasındakı münasibətlər demokratiya, insan haqları və qanunun aliliyi kimi ümumi dəyərlərə əsaslanır".

Sonxeber.az xəbər verir ki, bu sözləri Ermənistanın xarici işlər naziri Ararat Mirzoyan Kanadanın xarici işlər naziri Melani Coli ilə birgə mətbuat konfransında deyib.

"Bu, Ermənistanda demokratik təsisatların gücləndirilməsi və rifahın yüksəldilməsi naminə geniş əməkdaşlıq sahəsi yaradır. Biz ticarət və iqtisadiyyat sahəsində əməkdaşlığı genişləndirmək məqsədilə Kanadanın daha fəal iştirak imkanlarını nəzərdən keçiririk. Münasibətlərimizdə həmişə mühüm yer tutan parlamentlərarası dialoq və parlament diplomatiyasını da qeyd etməliyəm", - deyə Mirzoyan bildirib.

Mirzoyan Kanadanın erməni icmasını da əlaqələrin dərinləşməsindəki roluna görə xatırladıb.

Telegramda izləyin