Macarıstan Qarabağdan köçən ermənilərə maddi yardım göstərəcək

Macarıstanın xarici işlər naziri Peter Siyarto İrəvanda bildirib ki, Macarıstan Ermənistanla münasibətlərini inkişaf etdirmək üçün hər şeyi edəcək.

Sonxeber.az xəbər verir ki, bu barədə erməni mətbuatı məlumat yayıb.

Onun sözlərinə görə, Macarıstan Qarabağdan Ermənistana köçən ailələr üçün 40 milyon forint (110 min dollardan çox) yardım ayıracaq.

Macarıstan Qafqaz regionu da daxil olmaqla bütün münaqişələrin sülh yolu ilə həllinin tərəfdarıdır.

"Biz istəyirik ki, Ermənistan və Azərbaycan tezliklə sülh müqaviləsi imzalaya bilsinlər. Onilliklər boyu əzab-əziyyət çəkdikdən sonra bölgənin bütün sakinləri burada sülhə və sakitliyə layiqdirlər" ,- deyə o bildirib.
O xatırladıb ki, 2021-ci ildə Macarıstan Azərbaycanla 5 erməni əsirinin azad edilməsi ilə bağlı danışıqlar aparıb.

Telegramda izləyin