Ermənistan Yaponiyaya "Sülhün kəsişməsi" layihəsinə qoşulmağı təklif edir

Ermənistan Yaponiyaya "Sülhün kəsişməsi" layihəsinə qoşulmağı təklif edib.

Sonxeber.az xəbər verir ki, bunu Ermənistan parlamentinin spikeri Alen Simonyan Yaponiyanın Ermənistandakı səfiri Masanori Fukuşima ilə vida görüşü zamanı bildirib.

Spiker bildirib ki, Yaponiya Ermənistan üçün çox mühüm tərəfdaşdır.

Ermənistan Yaponiya ilə çoxqütblü əməkdaşlığın dərinləşməsində maraqlıdır və bu baxımdan parlamentlərarası əlaqələrin inkişafını nəzərdən keçirir.

Spiker və Yaponiya səfiri "Sülhün kəsişməsi" layihəsinin imkanlarını da müzakirə ediblər. Spiker Simonyan bildirib ki, Ermənistan Yaponiyaya layihəyə qoşulmağı təklif edir.

Simonyan bildirib ki, 2025-ci ildə Ermənistan Osakada keçiriləcək sərgidə iştirak edəcək.

Yaponiya səfiri fəaliyyəti dövründə parlamentlə sıx əməkdaşlığa görə təşəkkürünü bildirib və onların həyata keçirdikləri layihələrin davamlı olacağını qeyd edib.

Spiker səfir Fukuşimaya gələcək fəaliyyətində uğurlar arzulayıb.

Telegramda izləyin